Manifestazio jendetsua Bilbon, ETAko presoen eskubideak aldarrikatzeko
zagun Bidea taldeak Bilbon deitutako manifestazioak hamarka mila pertsona bildu ditu. Martxa 17:30ak jota hasi da, eta bertan ETAko presoen eskubideak aldarrikatu dituzte.
Ertzaintzak eta Udaltzaingoak ez dute bildutakoen kopuruaren berri eman, baina antolatzaileek esan dutenez, kanpotik 300 autobus etorri dira, 16.500 pertsonarentzako lekuarekin.
Manifestazioan ez da istilurik izan eta iragarritako isiltasuna txaloek eta amnistiaren aldeko ohiuek bakarrik hautsi dute. Pankartan bi lelo agertzen ziren: "Eskubide guztiekin, euskal presoak Euskal Herrira", euskaraz; eta frantsesez "Euskal presoak aberriratu".
Martxa hasteko 15 minutu falta zirela, tentsio uneak izan dira Ertzaintzako buruzagi batzuk manifestazioaren lehen lerrora hurbildu direnean pankartako leloak emandako baimenarekin bat zetozela baieztatzeko.
Ertzainek, gainera, Fernando Grande-Marlaska Auzitegi Nazionaleko epaileak manifestazioa baimentzeko jarritako baldintzen berri eman diete antolatzaileei.
Aurpegi ezagunak
Manifestazioan alderdi politiko ezberdinetako ordezkari ezagunak bildu dira: Amaiurreko Xabier Mikel Errekondo Kongresuko diputatua, Pello Urizar EAko idazkari nagusia, Patxi Zabaleta Aralarreko liderra, eta Oskar Matute, Alternatibakoa.
Ezker abertzaleko eta Batasuneko kideak ere bertan izan dira; Rufi Etxeberria, Maribi Ugarteburu bozeramailea, Pernando Barrena eta Txelui Moreno, besteak beste. Joan Tarda ERCko Madrileko Kongresuko diputatua ere manifestazioan izan da.
Manifestazioa hasi aurretik hedabideei egindako adierazpenetan, Xabier Mikel Errekondok eskaera bat egin dio Mariano Rajoy Gobernuko presidenteari: "Gaurko manifestazioaren irudia aintzat hartu dezala eta euskal gatazka politikoa konpontzeko urratsak ematen hasi dadila".
Aldaketak kartzela-politikan
Manifestazioa 18:50ean amaitu da Bilboko udaletxearen aurrean. Bertan Jon Garaik eta Ines Osinaga Gose taldeko abeslariak adierazpen bat irakurri dute.
"Euskal gizarteak presoek jasaten dituzten salbuespen neurriak desagertzea" espero duela esan dute adierazpen horretan, besteak beste.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.