Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
Pedro Sanchez Espainiako Gobernuko presidenteak Irango gerra sustatzen dutenen aurka egin du, eta "akats erraldoia" dela salatu. Iraken egindako "akatsak" berriz ez egiteko eskatu du, eta AEBk eta Israelek Iranen aurka abiatutako gerraren ondorioak "sakonagoak" izango direla ohartarazi du.
Espainiako Gobernuak Ekialde Hurbileko gerrarekin duen jarrera azaltzeko Kongresuan egin duen agerraldian, Sanchezek Irango eta Irakeko gerrak alderatu ditu, eta 2003an Espainiako gobernuburu zen Jose Maria Aznarren kritikatu du herrialdea gerra sartzeagatik.
Ildo horretan, iraganean egindako akatsak Iranen ez errepikatzea eskatu du Sanchezek. Halaber, lehen Aznar eta Bush zeuden tokian —Azoreetako argazkiari erreferentzia eginez— orain Alberto Nuñez Feijoo (PP) eta Santiago Abascal (Vox) eta Trump daudela adierazi du.
Era berean, Sanchezek PPren eta Voxen aurka egin du, "babestuz edo isilik geratuz" gatazkari bide emateagatik.
Dena den, Iranen eta Iraken arteko ezberdintasunak mahai gainean jarri ditu Sanchezek, eta Iran militarki eta ekonomikoki indartsuagoa dela eta biztanle aldetik ere handiagoa dela azpimarratu du.
Hori guztia dela eta, Irango gerraren ondorioak are handiagoak eta sakonagoak izango direla ohartarazi du.
Feijook Sanchezi: "Gerrari ez, eta zuri ez"
Alberto Nuñez Feijoo PPren presidenteak honela laburtu du PPk gerraren aurrean duen jarrera: "Gerrari ez, eta zuri ez".
Feijook gogor egin du Espainiako gobernuburuaren aurka, eta Irango gerra eta atzerri politika baliatzea leporatu dio "hilzorian" dagoen bere proiektua ezkutatzeko. Halaber, aurrekontu proiekturik ez aurkeztea aurpegiratu dio.
Gerra ustelkeria estaltzeko baliatzea egotzi dio Abascalek Sanchezi
Santiago Abascal Voxeko buruzagiak adierazi duenez, "edozein hondamendi" ona da Sanchezentzat "ustelkeria" estaltzen laguntzen diolako.
Zuri gerra gustatzen zaizu, pandemiak gustatzen zaizkizu, uholdeak eta borraskak gustatzen zaizkizu", ,adierazi du Abascalek Kongresuko osoko bilkuran.
NATOtik ateratzeko aukera EBn planteatzeko eskatu dio EH Bilduk Sanchezi
Mertxe Aizpurua EH Bilduk Diputatuen Kongresuan duen bozeramaileak Sanchezi eskatu dio NATOtik ateratzeko eztabaida Europar Batasunean (EB) planteatzeko. Horren ustez, denborak agerian utzi du Aliantza Atlantikoa AEBren aginduetara eta interes ekonomikoen menpe dagoela eta munduan "tentsioak, gatazkak eta gerrak sortzeko baino ez duela balio izan".
Aizpuruak azpimarratu du indar demokratiko bakar batek ere ez duela Irango erregimena justifikatzen, baina horren aurka egoteak ez duela justifikatzen "legez kanpoko" gerra bat babestea.
Mertxe Aizpurua (EH Bildu). Argazkia: EFE
Irango gerra ez da aitzakia aurrekontuak ez aurkezteko, EAJren arabera
Maribel Vaquero EAJk Kongresuan duen bozeramaileak Sanchezi aurpegiratu dio Irango gerraren aitzakian datorren urteko aurrekontuak ez aurkeztea. Ildo horretan, galdetu du nola finantzatuko duen krisi honi erantzuteko bere gobernuak agindu dituen 5.000 milioi euroak.
Bestalde, Europak Irango gerraren aurkako jarrera irmoa hartu behar duela uste du Vaquerok, munduari mezu argia eta bateratua bidalitzeko.
Maribel Vaquero (EAJ). Argazkia: Europa Press
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.