Lopez Peña 'Thierry'ren familiak espetxea eta ospitala salatuko ditu
Xabier Lopez Peña 'Thierry'ren familiak iragarri duenez, Frantziako espetxearen administrazioaren eta Pariseko ospitaleko zuzendaritzaren aurkako salaketa aurkeztuko du 'Thierry'ren heriotzaren nondik norakoak argitu ahal izateko.
Yolanda Molina Lopez Peñaren familiaren abokatuak egin du iragarpena Etxerat presoen senitartekoen elkarteak Baionan egindako prentsaurrekoan. Molinak azaldu duenez, salaketa oraindik ez dute prestatu, "familiaren premia gorpua ikustea delako". Halaber, 'Thierry'ren heriotza izan bezain laster familiak berria jaso ez izana salatu du.
Odol-isuria
Poliziaren arabera, Lopez Peña ETAko buruzagi militarra zen atxilotu zuten unean, Bordelen 2008an, eta ETAko su-etena amaitutzat eman zuen Barajaseko atentatuaren bultzatzailea da.
Martxoaren 11an, bihotzeko arazoak jota, Fleury-Merogis Frantziako espetxetik Corbeil-Essonne ospitalera eraman zuten eta, handik bi egunera, Pitie-Salpetriere ospitalera eraman zuten. Bertan, ebakuntza egin zioten eta ondoren, burmuineko odol-isuria izan zuen.
'Oztopo administratiboak'
Lopez Peñaren familiaren abokatuak negar egin du Baionan izandako agerraldian. Halaber, 'Thierry'ri Pariseko ospitalean bisita egiteko "oztopo administratiboak" salatu ditu.
Halaber, Garbiñe Eraso Herrira euskal presoen aldeko plataformaren bozeramaileak azpimarratu duenez, "preso gaixoak aske uztea da tratamendu egokia jasotzeko berme bakarra". Ondorioz, egoera horretan dauden preso guztien askapena eskatu du.
Hedabideen aurrean, Etxerateko beste 50 kide ingururekin eta Juan Mari Lopez Peña 'Thierry'ren anaiarekin batera, egindako agerraldian Herrirak, "datozen egunetan, hainbat mobilizazio" egingo duela iragarri du, baina ez ditu zehaztu.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.