Jordi Pujol Ferrusolak 32,4 milioi mugitu zituen 13 herrialdetan
Jordi Pujol Ferrusola Jordi Pujol Generalitateko presidente ohiaren semeak 32,4 milioi euro mugitu zituen 13 herrialdetan 2004 eta 2012 urteen artean. Guztira, 118 mugimendu egin zituen herrialde horietan, besteak beste, Suitzan, Kaiman uharteetan, Gabonen eta Liechtensteinen, Zerga Agentziaren datuen arabera.
Pablo Ruz Auzitegi Nazionaleko epailea Pujol Ferrusolaren bikotekide ohiaren salaketa ikertzen ari da, zergak ustez saihesteagatik. Ildo horretan, BBVA, Mediolanum eta Credit Suisse banketxeei gehienez 15 egunetan horren kontuen inguruko dokumentazio guztia bidaltzeko eskatu die.
Guztira 32.407.658 euro mugitu zituela esan du Ruzek, 118 operaziotan; 2004ko martxoaren 30etik 2012ko azaroaren 28ra bitartean. Pujolek berak edota berekin lotura dutela atzeman duten bost sozietateek egiten zituzten operazio horiek.
Herrialde hauetan egin ziren operazioak: Andorran, Luxenburgon, Kroazian, Argentinan, Uruguain, Suitzan, Ameriketako Estatu Batuetan, Mexikon, Frantzian, Kaiman uharteetan, Erresuma Batuan, Gabonen eta Liechtensteinen
Zerga Agentziaren arabera, Pujol Ferrusolak bost erakundeetan lotura zuzena izan du 2004tik, "bazkide gisa edo baimendutako kide gisa". Inter Rosario Port Services, Iniciatives Marketing I Inversions, Iberoamericana De Business And Marketing, Project Marketing eta Active Translation erakundeetan, hain zuzen.
Hori dela eta, Ruzek "lehenbailehen" dokumentazio guztia emateko eskatu die banketxeei, Pujolen beraren izenean dauden eta erakunde horien kontuen inguruan, jada indarrean ez dauden kontuak barne.
Bestalde, joan den otsailean epaileak egin zion galderari erantzunez, Zerga Agentziak esan du ez duela Pujol zerga amnistiaz baliatu zela esateko frogarik.
Epaileak Ogasunari egin zion galdera Ustelkeriaren Aurkako Fiskaltzak eskatuta; izan ere, Maria Victoria Alvarez Pujolen bikotekide ohiak dirua ustez zuritu zuela salatu zuen, Andorrara dirua 500 euroko billetetan eramaten zuela esanez.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.