Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Ekialde Hurbilean lehertutako gerraren ondorioei aurre egiteko Espainiako Gobernuak onartutako neurri sorta —80 neurri inguru biltzen ditu— joan den igandean sartu zen indarrean, bezperan Estatuko Aldizkari Ofizialean argitaratu ondoren. Nolanahi ere, datorren ostegunean Diputatuen Kongresuak onartu beharko du, eta, oraingoz, dekretuak aurrera egiteko behar adina babes ez du bermatuta PSOEk.
Juntsek baldintza bat jarri du, krisiaren aurkako dekretuari baiezkoa emateko: 80.000 euro baino gutxiago fakturatzen duten autonomoak BEZ zerga ordaintzetik salbuestea. PSOEk neurri hori sartuko balu dekretuan, Juntsek babestu egingo luke. Hala jakinarazi du Miriam Nogueras Juntsek Kongresuan duen diputatuak.
Diputatu kataluniarrak azaldu du Europako zuzentarau batean jasota dagoela autonomo txikiak BEZ zerga ez ordaintzea, eta "Espainia da zuzentaraua betetzen ari ez den Europar Batasuneko herrialde bakarra". Haren hitzetan, Junts "aspalditik" ari da hori eskatzen, eta Espainiako Gobernuari egotzi dio orain zortzi urte baino "% 57 gehiago biltzea" autonomo txikiei ezarritako zergekin.
Noguerasen arabera, Espainiako Gobernuak aurkeztutako dekretuan Juntsek mahai gainean jarritako “neurri asko” daude jasota.
Bestalde, etxebizitzaren inguruko dekretua —oraindik ez dago ezarrita hura onartzeko data— onartuko duten galdetuta, ezetz erantzun du, ez behintzat "oraingo baldintzetan". "Argi dago Podemosen, Sumarren eta PSOEren azken hiru urteotako politikek etxebizitza eskaintza murriztea eta prezioak esponentzialki igotzea ekarri dutela", erantsi du.
EAJk alde bozkatuko du
Bere aldetik, Maribel Vaquero EAJren eledunak Kongresuan aurreratu du jeltzaleek krisiaren aurkako neurriak biltzen dituen dekretuaren aldeko botoa emango dutela osteguneko saioan. Azaldu du dekretuak bere taldeak proposatutako neurri "dezente" jasotzen dituela dekretuak.
Etxebizitzaren eta alokairuaren dekretuari emango dioten botoa, berriz, oraindik ez dutela erabaki azaldu du.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.