Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Pertsona migratzaileen irudia. Artxiboko irudia.
Gurutze Gorriak Irunen iragaitzazko migratzaileentzako arreta humanitarioko zerbitzuaren 2025eko balantzea eman du ezagutzera gaur. Iaz 3.121 pertsona artatu zituen, 2024an artatutakoen erdiak, orduan 6.243 artatu baitzituzten. Urte horretan "gorakada nabarmena" izan zen 2023ko datuekin alderatuta.
Hori dela eta, Euskadik aldarrikatu du "iparraldeko muga" dela Europarako bidean, eta "ziurtasuna" eskatu du "Migrazioaren eta Asiloaren Europako Ituna ezartzearen aurrean".
Eusko Jaurlaritzak ohar baten bidez jakinarazi duenez, Ongizate, Gazteria eta Erronka Demografikoko Sailak antolatutako Iragaitzazko Migratzaileei Harrera Egiteko Erakundeen arteko Koordinazio Mahaian planteatu dira bi aldarrikapen horiek, Irungo Gordailu gunean.
Topaketa baliagarria izan da Euskadin migranteen joan-etorrien egoera aztertzeko, Gurutze Gorriak kudeatzen duen arreta humanitarioko zerbitzuaren balantzea ezagutzeko eta Migrazioaren eta Asiloaren Europako Itunaren ezarpenaren aurrean agertokiak partekatzeko.
Ildo horretan, Nerea Melgosa Ongizate, Gazteria eta Erronka Demografikoko sailburuak gogorarazi duenez, Euskadik "urteetan erakutsi du erakundeen arteko koordinazioan, hirugarren sektorearekiko lankidetzan eta giza eskubideekiko konpromisoan oinarritutako erantzuteko gaitasuna".
Hala, Euskadi "iparraldeko muga" gisa aitortzea ez dela aldarrikapen "sinbolikoa" esan du, "antolaketaren, egituraren eta ekitatearen beharra baizik".
Sailburuak berretsi du aldarrikapen hori "leialtasun instituzionaletik eta lankidetzarako borondatetik" egiten dela.
Zure interesekoa izan daiteke
Aburto ez da berriro Bilboko alkate izateko hautagai gisa aurkeztuko 2027an
Hunkituta eman du Bilboko alkateak erabaki horren berri: "Hausnarketa sakon bat egin ondoren, alderdiak erabaki du Bilbok lidergo berria behar duela".
2027ko urtarrileko manifestazioa azkena izatea nahi du Sarek, ETAko presoen auzia behin betiko ixten dela irudikatzeko
Sare herritarrak ekitaldia egin du gaur Arrasaten, sorreratik izandako ibilbidearen balantzea egin eta "etapa bati bukaera ematen hasteko" beharra aldarrikatzeko. "Sareren amaiera, gauzak ongi eginez gero, garaipen kolektiboa eta diskretua izango da", nabarmendu dute.
Hainbat eragilek manifestazioa deitu dute ekainaren 20rako, Ertzaintzaren "errepresioa eta inpunitatea" salatzeko
Deitzaileen artean daude Euskal Herriko Global Sumud Flotilla, Iñigo Cabacasen, Amaia Zabarteren eta Iker Aranaren senide eta lagunak edota Mugimendu Sozialista. "Herri mugimenduaren aurkako kriminalizazio kanpaina" egitea egotzi diote Jaurlaritzari taldeok.
Equo alderdi berdeak 15. urteurrena ospatu du Gasteizen
Equo alderdi berdeak 15. urteurrena ospatu du Gasteizen. Urte hauetan izandako bilakaera aztertu eta etorkizunari begira hausnarketa egin dute bertan. Egindako ibilbidearekin harro agertzeaz gain, gizarteak ekologia gaiekin egin duen aurrerapausoa azpimarratu dute.
Anduezak esan du PSE-EEk EAJrekin gobernatzeko duen koalizio formulari ahal den denbora guztian eutsiko diotela
Eneko Andueza PSE-EEko idazkari nagusia "oso harro" agertu da bi urte hauetan egindako lanagatik. Hainbat arlotan gobernuko bazkidearekin desadostasunak egon direla onartuta ere, EAJrekin duen koalizioaren garrantzia nabarmen du. Duela 11 urte hasi zuten ibilbidea formula arrakastatsua dela esan, eta sozialistek formula horri behar den denbora guztian eutsiko diotela iragarri du.
Aburtoren agurra: 'Bilbo efektua' auzoetara zabalu nahi izan zuen alkatea
Juan Mari Aburtok urtebete barru utziko du Alkatetza, agintaldia amaitzearekin batera. Hiru legealditan zehar, auzoen aldeko apustuagatik bereizi nahi izan da, eta herritarren lehentasunen aldaketari aurre egin behar izan dio.
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.
Cerdanek ukatu du Leire Diezen ustezko sarearen burua dela, eta salatu "kanpaina mediatiko" baten biktima dela
PSOEko Antolakuntza idazkari izandakoaren iritziz, UCOren helburua "pertsonak suntsitzea da, ez delituak ikertzea". Argudiatu duenez, Polizia Judizialak gertakari zehatzak ikertu eta, ondoren, erantzuleak bilatu ordez, "alderantzizko metodologia" erabiltzen du.
Europako Migrazio Itunaren "hutsuneak eta zalantzak" kritikatu dituzte Kanarietako eta Euskadiko gobernuek, indarrean jarri aurretik
Migrazioaren eta Asiloaren Europako Ituna indarrean jartzeko astebete falta denean, "ziurtasun baino zalantza gehiago" daudela deitoratu dute. "Elkartasunak agenda, aurrekontua, gobernantza eta erantzukidetasuna izan behar ditu", azpimarratu du Nerea Melgosak.
Sanchezek dioenez, ez zituen Diezen "ibilerak" babestu, ez zuen haien berri, eta izan balitu ez zituzkeen onartuko
Pedro Sanchezek iragarri duenez, PSOEko talde juridikoa Leire auziari buruzko dokumentazio guztia aztertzen ari da, alderdiaren "ohorea" babesteko ekintza egokiak abiatzeko. "Nire gobernua gobernu garbia da, nire alderdia alderdi zintzoa da, eta, oroz gain, ustelkeria gutxi batzuen kontua da", azpimarratu du.