EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Kode informatikoa. Artxiboko argazkia: Europa Press
Eusko Legebiltzarrak ziberdelituen hazkundeari aurre egiteko baliabideak (giza baliabideak, hezkuntza baliabideak eta baliabide teknikoak) handitzea eskatu dio Eusko Jaurlaritzari. EAJk, EH Bilduk eta PSE-EEk adostutako eskaerak PPren haserrea eragin du, onartutakoaren edukiagatik baino hiru aldeen arteko aliantzagatik.
Eusko Jaurlaritzako Segurtasun Sailak zibersegurtasunaren arloan duen estrategiari buruzko mozioa eraman du EH Bilduk gaurko osoko bilkurara. Gorka Ortiz de Guinea legebiltzarkideak Ertzaintza "sakonki" modernizatzeko beharra mahaiganean jarri du, ziberdelituak zortzi urtean laukoiztu egin direla adierazi ostean (2017an, 8.908 delitu; eta 2025ean, 28.271).
Zehazki, Legebiltzarrak Eusko Jaurlaritzari eskatu dio Euskal Polizia modernizatzeko, baita zibersegurtasunaren alorrean ere. Era berean, Ertzaintzaren giza baliabideak indartzeko eta baliabide teknikoak eguneratzen eta modernizatzen jarraitzeko eskatu du. Gainera, Polizia eta Larrialdietako Euskal Akademian ziberdelituei buruzko prestakuntzak ikasketa-planen barruan tarte handiagoa izatea, eta prebentzio, detekzio eta esku-hartze neurriak indartzea eskatu du.
Koalizio abertzaleak, EAJk eta PSE-EEk transakzio-zuzenketa bat adostu dute, eta Gasteizko Ganberan gehiengoa dutenez, aurrera atera da.
PPk gogor salatu du EAJk eta PSE-EEk Ertzaintzari "eraso" egiten dion alderdi batekin akordioa egin izana. "Guk ez dugu EH Bildu zurituko", esan du Ainhoa Domaica PPren legebiltzarkideak.
Miren Gallastegui PSE-EEren legebiltzarkideak, haserre, errespetua eta Legebiltzarra "zirku" ez bihurtzeko eskatu dio PPri.
Josune Escota EAJren legebiltzarkideak, bere aldetik, zibersegurtasunaz hitz egin nahi ez izatea eta antzerkia egitea aurpegiratu dio.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.