Barcenas auziaz esan beharrekoa esan dutela diote Rajoy eta Cospedalek
'Barcenas auzia'ren inguruan esan beharreko guztia dagoeneko esan dutela azpimarratu dute astelehen honetan Mariano Rajoy Espainiako Gobernuko presidenteak eta Maria Dolores de Cospedal alderdiaren idazkari nagusiak.
Ateak itxita, Zuzendaritza Batzorde Nazionalaren bilera egin dute Madrilen, eta horixe adierazi die alderdikideei Rajoyk.
Albiste-agentziek PPko iturriak aipatuta zabaldu dutenez, Espainiako Gobernuko presidenteak susperraldi ekonomikoaren zantzuak ikusi dituela azpimarratu du gaurko bileran, eta susperraldi hori bere Gobernuak hartutako neurriei esker izan dela.
Barcenasen kitapena
Era berean, Maria Dolores de Cospedal alderdiaren idazkari nagusiak ere Barcenasen gaia izan du hizpide, eta gogor salatu du Barcenas izatea alderdiaren "gai bakarra" eta egunero alderdiaren kontra esaten dituzten gezur eta irainei erantzun behar izatea.
Hala eta guztiz ere, Cospedalek esan du "erabat gezurrezkoa" dela gai honen inguruan atera den azken informazioa, otsailean Barcenasi kitapena ordaintzea negoziatu zuela.
Abuztuko langabeziaren datua, 2000tik onena
Mariano Rajoy Espainiako Gobernuko presidenteak abuztuko langabezia datuak aurreratu ditu bileran, eta 2000. urtetik izan den datu onena dela azpimarratu du.
Maria Dolores de Cospedalek eman du datu horren berri, bileraren ostean, eta enpleguari dagokionez, urtarriletik abuztura arteko tartea 1999tik onena izan dela ere azaldu du.
Langabeziaren inguruko datu ofizialak bihar jakinaraziko dituzte, baina Rajoyk aurreratu eta goraipatu du 2012ko hilabete guztietako datuak hobetu dituztela 2013an.
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.