Agendak bota egin zituela esan dio epaileari Barcenasen idazkariak
Luis Barcenas PPko diruzaina zen bitartean idazkari lanetan aritu zen Estrella Dominguezek epailearen aurrean deklaratu du gaur. Idazkariak epaileari azaldu dionez, iaz diruzain ohiaren agendak zakarrontzira bota zituen. Gaineratu du joan den uztailaren 14an Barcenasen emazteak agendak itzultzeko eskatu ziola.
Estrella Dominguezek ia bi hamarkada egin zituen Barcenasekin lanean. Pablo Ruz epaileari azaldu dionez, 2009 urtean Barcenas Gürtel kasuan inputatu zutenean, diruzain ohiak agendak gordetzeko eskatu zion. 2011 urtean itzuli zizkion idazkariak Barcenasi agendak, hark eskatuta. Beranduago, berriz ere Dominguezen esku utzi zituen Barcenasek agendak. Javier Gomez de Liaño diruzain ohiaren abokatuak agenda horien hainbat fotokopia erakutsi dizkio epaileari.
Gaur egun PPn lanean jarraitzen duen idazkariak jakitera eman duenez, 2012an zakarrontzira bota zituen agendak, jada Barcenasekin lanik egiten ez zuenez garrantziarik izango ez zuelakoan. Lekukoak azaldu du uztailaren 14an Rosalia Iglesias Barcenasen emazteak sakelako mezu baten bidez agendak itzultzeko eskatu ziola. Gezurra esan eta agendak alderdiaren esku zeudela erantzun zion Dominguezek. Iglesias atsekabetuta agertu omen zen.
Idazkariak zehaztu du ez dituela gogoratzen alderdiari ustez dirua eman zieten enpresarien bisitak. Gaineratu du, ordea, Francisco Correa askotan joaten zela Barcenasek PPko Madrileko egoitzan zuen bulegora.
Ildo berean deklaratu du Rosa Maria Lopezek, hamabost urtez diruzain lanetan aritu zen Alvaro Lapuertaren idazkariak. Lopezek ere agendak deuseztu zituela adierazi du, nahiz eta ez duen datarik zehaztu.
Alderdiko hiru auditoreek ere deklaratu dute gaur. 2007 bitartean alderdiari ematen zitzaion diruaren inguruko kontrolik ez zela egon adierazi dute.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.