'Ateak ireki' webgunea ixtea agindu du Auzitegi Nazionalak
Eloy Velasco Auzitegi Nazionaleko epaileak lau webgune ixtea eta Twitter eta Facebookeko bi profil blokeatzea agindu du, Herrirarekin zerikusia dutelakoan. ateakireki.com, egindezagunbideadonostia.com, etengabe.wordpress.com eta zarauzkoherrira.wordpress.com dira webguneak, eta, bertara sarrera blokeatzea agindu die hainbat telefonia enpresari. Halaber, webgune horiei ostatu ematen dieten konpainiei horiek ixteko agindua eman die, Europa Press agentziak emandako informazioaren arabera.
Epaileak, gainera, Ateak Ireki izenarekin Facebook eta Twitter sare sozialetan irekita dauden profilak ixtea ere agindu du, Herrira plataformaren kontra irekitako operazioaren baitan. Operazio horretan, 18 lagun atxilotu eta geroago aske utzi zituzten.
Epailearen hitzetan, ''webgune kaltegarri eta deliktibo'' hauek Interneten jarraituta ''auziak ikertzen dituen legez kontrakoei eutsiko'' zaie. Ministerio Fiskalaren oniritziarekin hartu du erabakia Eloy Velascok, Guardia Zibilaren ofizio bat jaso ondoren. Bertan, hainbat webguneren blokeoa eskatu dute, ''ETAren alde eta Gestoras Pro Amnistia/Askatasunaren oinordeko gisa Herriraren legez kanpoko jarduera'' ekiditeko.
''Adierazpen eta informazio eskubidearen kontrako erasoa''
Ateak Ireki plataforma informatiboak ohar batean azaldu duenez, Auzitegi Nazionalaren erabakia ez da irmoa. Horren aurka helegitea jartzeko bost egun dituzte, baina, hala ere, ez dakite datozen orduotan bere webgune eta sare sozialetako profilak martxan egongo diren, ohar horretan azpimarratu dutenez.
Nafarroan ''aldaketa politiko eta soziala bultzatzen duten herri mugimendu eta pertsonen ahotsa'' izatea du plataformak helburu, eta epailearen erabakia ''adierazpen eta informazio eskubidearen kontrako erasoa'' dela salatu du.
''Apurtu.org itxi ondoren, gurea bezalako komunikabideek esparru komunikatiboan tokia izatearen alde egin zuten dozenaka kazetarien bultzadari esker jaio zen'' proiektua, plataformak berak azaldu duenez.
''Eraso antidemokratiko berri'' honi ''eskura'' duten ''arma bakarrarekin'' aurre egiteko prest agertu dira, ''adierazpen askatasunarekin''.
Albiste gehiago politika
Legegintzaldiak behea jotzeko arriskua ikusten du Sumarrek, PSOEren "immobilismoagatik"
Cerdanen espetxeratzeak eragindako krisia dela eta PSOErekin legealdiaren etorkizuna aztertzeko bi ordu eta erdiko bilera egin ostean, Sumarren bozeramaileak esan du PSOE ez dela egoeraren "larritasunaz ohartu".
PPk azalpenak eskatu dizkio EAJri Cerdan auzian dituen "inplikazioengatik"
Javier De Andres EAEko PPko presidenteak azalpenak eskatu dizkio EAJri, Santos Cerdan PSEko antolakuntza idazkari ohiaren auzian Iñaki Alzaga enpresaburuak (alderdi abertzalearekin lotura duena, bere esanetan) duen inplikazioagatik.
Tellado izango da PPren idazkari nagusia, eta Ester Muñoz, bozeramailea
Kongresuko egungo bozeramaileak ordezkatuko du Cuca Gamarra, PPk asteburuan Madrilen egingo duen XXI. kongresu nazionalean.
'Cerdan auzia'ren ostean legegintzaldia indarberritzeko neurriak hartzeko bildu dira PSOE eta Sumar
Sumarren asmoa da "180 graduko bira" ematea, eta nabarmendu dute krisi honek balio behar duela Gobernuaren programaren helburu nagusiak bizkortzeko eta ustelkeriaren aurkako mezu argia emateko. Horren bidez, oinarri progresistak suspertzeko 'Cerdan auzia'ren afrontuaren ostean.
Miguel Telladok PP eta EAJren arteko harremanari berriz heltzeko eskatu diela jakinarazi du alderdi jeltzaleak
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak kortesia parlamentarioagatik onartu du PPren ordezkariarekin hitz egitea.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak adierazi du kezkatuta dagoela egoera politikoa dela eta, are, eskatu du ikerketa azken bururaino eramatea. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.
EAJ 'Koldo auzia'ri buruzko informazio gehiago izateko zain dago, erabaki bat hartu aurretik
Iñigo Ansola EAren Bizkaiko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago, "egoera aztertzeko eta hurrengo pausuak erabakitzeko".