Herriraren jarduerak bi urtez etetea agindu du Velasco epaileak
Eloy Velasco Auzitegi Nazionaleko epaileak Herrira plataformaren jarduerak bi urtez etetea agindu du. Nolanahi ere, epe hori igarota, neurria luzatzeko atea zabalik utzi du.
Halaber, epaileak plataformaren diru kontuak blokeatzea eta egoitzak eta sare sozialetako profilak ixtea ere agindu du.
Praktikan, neurri horiek guztiek Herrira behin-behinean legez kanporatzea ekarriko dute, Aiert Larrarte abokatuak azaldu duenez.
Atzo, epaileak 18 atxilotuetako 14 aske utzi zituen, baina karguekin, hau da, inputatuta jarraitzen dute. Beste lauei 20.000 euroko bermea ezarri zien, espetxetik ateratzeko.
Lau horietatik, bi, Jon Garai eta Nagore Garcia, bart atera dira Soto del Realeko (Madril) kartzelatik. Beste biek, Jexux Mari Aldunberrik eta Manu Ugartemendiak, hurrengo orduetan egingo dute, bermea ordaindu eta gero.
Velascok talde armatuko kide izatea, ETA finantzatzea eta terrorismoa goratzea egotzi die denei. Epailearen aurrean, atxilotuek uko egin zioten deklaratzeari, baina ETArekin eta terrorismoarekin loturarik ez dutela argi utzi nahi izan zuten gehienek.
Hain zuzen ere, disidentziak galarazteko xedez, presoen kolektiboan kohesioa mantentzea egotzi dio epaileak Herrirari.
Atzo Baionan egindako prentsaurreko batean, plataformako bozeramaileek "oso larri"tzat jo zuten polizia operazioa, eta akusazioak "gezurrezkoak" direla salatu zuten.
Deialdiak
Bestalde, gehiengo sindikalak (ELA, LAB, ESK, EILAS, EHNE, HIRU, CGT eta CNT) elkarretaratzeak deitu ditu gaurko, 12:00etatik 12:30era, Euskal Herriko lantokietan, Herriraren aurkako "operazio bidegabea" salatzeko.
Adolfo Muñoz eta Ainhoa Etxaide ELAko eta LABeko idazkari nagusiek "gaitzespen irmoa" erakutsi dute, protesta deitu duten sindikatu guztien izenean, "astelehenean 18 pertsona atxilotzea ekarri zuen erabaki politikoaren aurrean".
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.