Gai pribatuak 'pribatuan' jorratu behar direla esan du Hollandek
Gai pribatuak ''pribatuan'' jorratu behar direla esan du astearte honetan François Hollande Frantziako presidenteak eta, hala, ez du azalpenik eman nahi izan bere egoera sentimentalaren inguruan piztutako polemikaren gainean. Edonola ere, otsailean AEBra egingo duen bidaiaren aurretik zalantza guztiak argituko dituela ziurtatu du.
700 bat kazetariren aurrean agerraldia egin du Hollandek, eta agerraldi hori bere egoera pertsonala jorratzeko ''tokia eta unea'' ez dela adierazi du, berriemaileetako batek Valérie Trierweiler Frantziako lehen dama izaten jarraitzen duen galdetu ondoren.
Egindako itauna ulertzen duela adierazi du Hollandek, baina zera esan dio kazetariari: ''Ziur nago nire erantzuna ulertuko duzula; norberak bere bizitza pertsonalean erronkei aurre egin ahal die, eta hori da gure kasua''
''Une gogorrak dira'', azpimarratu du presidenteak. ''Baina printzipio bat daukat: afera pribatuak pribatuan jorratzea, intimitatea errespetatuta'', gaineratu du.
Edonola ere, Hollandek agindu du otsailaren 11n AEBra egingo duen bidaiaren aurretik zalantza guztiak argituko dituela. Zehazki, ''aipatutako data baino lehenago'' erantzungo duela aurreratu du, Barack Obama AEBko presidentearekin biltzeko Etxe Zurira egingo duen bidaiaren datari aipamen eginez.
Lehen damaren papera
Gaiaren inguruan bigarren galdera bat ere egin diote eta, Hollandek erantzun du Frantzian lehen damaren ''estatusa'' ez dela existitzen eta presidentearen bikotekidearen papera ''denborarekin aldatuz joan'' dela.
Valerie Trierwelerrek eduki badu agenda ofiziala, eta Eliseoko webgunean iragartzen dira ekitaldi horiek.
Segurtasuna
Hollandek Julie Gayet aktorearekin duen ustezko maitasun-harremana plazaratzearekin batera, haren segurtasun neurrien inguruko eztabaida ere zabaldu da Frantzian. ''Ez dadila inor nire segurtasunarekin kezkatu. Nonahi eta noiznahi segurtasuna hori bermatuta dago'', adierazi du.
Kaleratutako argazkiak
Joan den ostiralean kaleratu zituen aldizkari batek Hollanderen eta Gayeten ustezko harremanaren inguruko argazkiak. Presidenteak, hala ere, baztertu egin du aldizkariaren kontrako neurririk hartzea.
Trierweiler Hollanderen bikotekide ofiziala ospitaleratuta dago ostiraletik, hau da, presidentearen eta Gayeten arteko ustezko harremana hedabideetan agertu zenetik.
Albiste gehiago politika
Arazoei aurre egin beharrean errua beti besteei botatzea leporatu dio Feijook Espainiako Gobernuari
Alberto Nuñez Feijoo buruzagi popularrak Pedro Sanchezen Gobernuaren aurka egin du berriro ere, PPk Galizian egin duen ikasturte politikoaren hasiera ekitaldian. Espainiako Gobernuak suteen aurrean izan duen papera kritikatu du Feijook eta Estatu ituna egiteko aukera ukatu du.
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.