ETA: 'Armak zigilatzeko prozesua hasi eta azkeneraino helduko da'
Otsailaren 24an idatzitako ohar batean ETAk esan duenez, "armak zigilatzeko prozesua hasi da dagoeneko eta ETAren konpromisoa azkeneraino heltzea da, azken armategiraino".
ETAk naiz.info-ra igorritako komunikatuaren arabera, ETAk esan du prozesuak zailtasunak dituela eta oztopoz beterik dagoela; hori dela eta, ez dago soilik "ETAren borondatearen eta Egiztatzaileen Nazioarteko Batzordearen (ENB) profesionaltasunaren esku".
Oharrean, ETAk armategiak zigilatzeko eta horien inbentarioa egiteko asmoa berretsi du, eta prozesu hori jarduera armatuaren amaieraren ondorio da, ENBak iragarri zuenez.
Zigiluak jarrita, ETAk bermatu egin nahi du "armak, lehergaiak eta gailuak erabili ezinik" geratzen direla, gatazka politikoaren ondorioak, bere osotasunean," konpontzeko bidean jartzeko. Horrela, herritarrei eta nazioarteari "segurtasuna" helarazi nahi die ETAk.
Gainera, ETAren arabera, egoera berria eta konponbidearen prozesua elikatu nahi du. Bere ustean, emandako pausoak "elkarrizketarako eta akordiorako oinarriak jarriko beharko lituzke, baita bestelako gaietan aurrea egitea ere".
Zehatz-mehatz, oharrean dioenez, ETAk eta ENBk adostutako "misio berriak" bi ardatz nagusi ditu: batetik, batzordeak ETAk egindako zigilatzea egiztatuko du, aurretik zehaztutako prozesu bat jarraituta, eta, bestetik, armen, lehergaien eta gailuen inbentarioa euren esku utziko dute.
Egiztatzaileek Auzitegi Nazionalean deklarazioa egin eta hurrengo egunean idatzitako agirian, ETAk ez du zehazki deklarazio deialdia aipatu, baina esan du erasoek eta oztopoek zigilatze prozesua baldintzatu lezakete. Hori dela eta, "erantzukizunez" jarduteko eskatu die eragile guztiei.
Halaber, ETAk gatazkaren konponbidearekin "erabateko konpromisoa" duela berretsi du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.