Politikak adostea eskatu dio Urkulluk Rajoyri, ETAren amaiera lortzeko
Iñigo Urkullu lehendakariak espetxe politikak eta bestelakoak adostu eta aro berri bat hasteko gonbita egin dio Espainiako Gobernuari, ETAren amaieran aurrera egiteko.
"ETAren amaiera eta bizikidetza berreskuratzea Euskadin: egiteke dauden gauzak" izeneko udako ikastaroa abiatzeko ekitaldian, "bakea eta bizikidetza bultzatzeko garrantzitsua den guztian" Mariano Rajoyren Exekutiboaren eta beste alderdi politikoen arteko elkarrizketa eta lankidetza bultzatzearen alde egin du lehendakariak.
Adibide gisa, espetxe politikaren ildo nagusiak adosteko lankidetza nabarmendu du Urkulluk; izan ere, horren ustez, "ezer ez egitea edo batek bere aldetik bakarrik jardutea baita honelako egoeretan izan daitekeen jarrera desegokiena".
Lehendakariak esan duenez, Jaurlaritzaren ardura "nagusia" ETAren indarkeriaren "amaiera ordenatua, behin betikoa eta baldintzarik gabekoa eskatzea, bultzatzea eta laguntzea" da.
Hori dela eta, "desarmea eta desagertze prozesua ez atzeratzeko" eskatu dio ETAri, "etorkizunean aurre egitea galarazten duen iraganeko elementua delako".
Urkulluren ustez, "azkenetan" den erakunde terrorista batek oraindik bizirik jarraitzeak aurrera egitea eragozten dio ezker abertzaleari. "Oso zaila da ulertzen ETAk errealitate hori ez ikustea, ezker abertzalea bera horretaz erabat kontziente bada ere", esan du, eta gainerako alderdiekin lankidetzan normaltasunez aritzeko beharrezko pausoak emateko eskatu die erakunde horiei.
Indar politiko horiei ere dei egin die Urkulluk 2014ko bigarren seihileko honetan "lankidetza eta bat-egite giro berri bat" sortzeko ahalegina egin dezaten, eta uda ostean Eusko Legebiltzarreko Bakerako eta Elkarbizitzarako Lantaldean parte hartzeko eskatu die, PPri eta PSEri bereziki.
"Ezin dugu dena bakarrik egin"
Iñigo Urkulluk 40 minutuko hitzaldia egin du udako ikastaroan, eta Bake eta Bizikidetza Planaren inguruko xehetasunak azaltzeko aprobetxatu du. Urkulluren hitzetan, plana "oinarrizko akordio bat lortzeko gonbitea da", eta "aro berri bat" hasteko akordioa bilatzen du.
Eusko Jaurlaritzak "ezin du bakarrik egin", "ez du errezeta, ezta formula magikoa ere". "Elkarrekin egin behar dugu, hori da egiteko dugun lana", esan du, eta aro berriaren "oinarri" gisa Mandelaren espiritua aldarrikatu du: "Etsaiarekin bakeak egin nahi baduzu, harekin egin behar duzu lan".
Albiste gehiago politika
Espainiarren arteko elkarbizitza nahita hausten saiatzea leporatu dio Feijook Sanchezi
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.
Andueza: "Euskal sozialistok badakigu egoera zailenetan ondo lan egiten"
PSE-EEren idazkari nagusiak esan du lan egiten jarraitzeko asmoz joan direla PSOEren Batzorde Federalera, "ibilide orri eta norabide berria" ezartzeko prozesuan parte hartzera.
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.