Patxi Lopez, 'Sanchezen esanetara alderdiari laguntzeko'
Patxi Lopez PSEko idazkari nagusiak gaur adierazi du PSOEko liderra izango den "Pedro Sanchezen esanetara" dagoela, "edozein militante beti" egongo den bezala, eta sozialisten idazkari nagusiari "laguntzeko prest" agertu da.
Halaxe adierazi du Lopezek Sanchezekin Ferrazen bildu ostean; datorren asteburuan izango den ezohiko batzarrari buruz mintzatu dira bertan.
Lehendakari ohiak esan du "alderdia indartuko duen bilera" izango dela, PSOEren barnean gertatzen denaz gain, kanpoan gertatzen denari "aurre egiteko zuzendaritza irmoa" izango duena. "Politika berriak, hizkuntza berriak eta praktikan jartzeko jende berria behar dituen garai berria da".
Sanchezek bere Gobernuan sartuko duen edo zein postu hartuko duen galdetuta, Lopezek ez du xehetasunik eskaini, eta ez du argitu alderdiko presidentea izatea gustatuko litzaioken. "Proiektuari eta idazkari nagusiari laguntzeko" dagoela bermatu du, eta Sanchezek erabakiko duela "zein kargutan" arituko den.
Hori dela eta, Sanchezen esanetara dagoela adierazi du Lopezek. "PSOEko edozein militantek beti egon behar du idazkari nagusiaren esanetara", azpimarratu du.
Azken bilera Rubalcabarekin
Alfredo Perez Rubalcabaren azken bilera baino lehen, Lopezek esan du PSOEk "erabat indartuta" atera behar duela ezohiko batzarretik, "bat eginda", eta sozialista berriek "kalea birkonkistatu" behar dutela.
"Proiektu honi, idazkari nagusiari eta zuzendaritza berriari laguntzeko prest nago", azaldu du. Lopezen ustez, "pertsona asko daude PSOEn garrantzitsuak direnak, ibilbide luzea egin dutenak, eta beste batzuk, aldiz, orain arte ezkutuan egon direnak baina arazoei aurre egiteko indarra eta gaitasun politikoa dutenak".
Zure interesekoa izan daiteke
Eusko Jaurlaritza "oso kezkatuta" agertu da eskualdatzeen auzian izandako "atzerapausoengatik"
Eusko Jaurlaritzako bozeramaile eta Autogobernu sailburuak ohartarazi duenez, nahiago dute transferentziarik ez egitea, "eskualdatze txarra" izatea baino. Gaur arratsaldean Elma Saiz ministroarekin bilera du Ubarretxenak, eta espero du egoera bere onera etortzea.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarrientzat etxegabetzeak debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.