Urkullu: 'Amorerik eman gabe bilatuko dugu estatusaren gaineko ituna'
Iñigo Urkullu lehendakariak baieztatu duenez, "amorerik eman gabe" bilatuko dute estatus politiko berria lortzeko ituna eta ziurtatu du Jaurlaritzak "oinak lurrean" dituela.
Urkulluk gaur, igandea, Forondako larretan (Araba) EAJ ospatzen ari den Alderdi Egunean hartu du hitza. Ekitaldia EAJren agintari eta udal organizazioen ohiko desfilearekin hasi da.
Ondoren, parapentezale batek Forondako larretan lur hartu du, ikurrina handi bat eskuan zeramala, eta EGIko lau gaztek ikurrina hartu eta EBBko kideei eraman diete, oholtza gaineko masta batean jar zezaten.
Ikurrinaren aldeko omenaldia izan da, aurten 120 urte bete baititu, eta EAJk aurtengo Alderdi Eguneko leloan ere aipatu du, "120 urte bihotzean".
Estatusaren gaineko ituna "amorerik eman gabe" bilatuko duela esan du lehendakariak egindako hitzaldian. "Oinak lurrean ditugu, urrats ziurrak ematen ditugu, Euskadirako estatus berriaren proiektuan ere bai", gaineratu du.
Gainera, lehendakariaren esanetan, "ez da egia" autogobernu zabalagoaz hitz egiten dutenean "nazionalisten ilusioaz" ari direnik. Horren ildotik, Urkulluk baieztatu egin du autogobernua "nork bere burua gidatu eta gobernatzea" dela, baita "bizi kalitatea bermatzeko eraginkortasunez" kudeatzea ere.
"Eskoziara ez begiratzeko esan digute. Nora begiratu behar da baina? Gu herriaren nahia errespetatuz eraikitzen den lekura begira gaude, herriak akordiorako borondate duen lekura, eta errespetua ez dagoen lekuan eskatzen dugu", azpimarratu duenez.
Urkulluren arabera, Gobernu zentralak "24 edo 48 beharko ditu Kataluniako herriari kontsulta bat egitea galarazteko"; horren ildotik gaineratu duenez, ea Exekutibo horrek "Kupoa adosten, Estatutua betetzen, Foronda 24 orduz zabaltzen eta AHTko lanak bukatzen presa" izaten duen.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.