Ortuzarrek 'euskal bidea' aldarrikatu du 'irtenbide bakar modura'
Andoni Ortuzar EAJren EBBko presidenteak "euskal bidea" aldarrikatu du "irtenbide bakar modura". Gaineratu duenez, bide hori "elkarrizketan, akordioan eta herri borondatearekiko errespetuan" oinarrituta egon behar da.
EAJ Alderdi Eguna ospatzen ari da Forondako zelaietan eta bertan egin ditu adierazpenok jeltzaleen buruak.
EAJk bere bide propioa dauka, "euskal bidea", Ortuzarren arabera. "Euskadiri eta Espainiari eragiten dien gatazka historiko honi amaiera emateko egiazko konponbidea euskal bidea da, elkarrizketan, akordioan eta, batez ere, herri borondatearekiko errespetuan oinarrituta egongo dena. Bideak demokratikoa, errespetuzkoa eta guztiontzako ona izan behar du, Eskoziako erreferenduma izan den moduan", gaineratu du.
Horren iritziz, jeltzaleen proiekturako "aliatu onena" Alderdi Popularra da: "Geroz eta espainiarrago nahi gaituzte, baina geroz eta euskaldunagoak gara".
EAJk "zentzua" aplikatzen du ohiko zereginetan eta baitan nazio eraikuntzan ere, izan ere, "guztientzako onena nahi dugu". "Hori dela eta, ez du denak balio. Badakigu nora goazen eta nora iritsi nahi dugun. Iritsiko gara, EAJren hitza duzue, euskaldunaren hitza, iritsiko gara, baina ez edozein modutan", azaldu du.
"Euskadi da estaturik gabeko nazioen artean estatu baten antza gehien duena", azpimarratu du. "Independentzia lege kontua baino burukoa da", eta lehenago edo geroago "gure burujabetzari buruzko aitortza hori" lortuko denaren itxaropena agertu du.
Kataluniako galdeketa
Katalunia hizpide hartuta, katalanei hasitako bideari babesa eskaini dio eta Espainiako Gobernua katalanak "mutu" uzten ahalegintzen ari dela salatu du Ortuzarrek. "Beren etorkizuna erabakitzeko duen eskubidea demokratikoa kendu nahi dio Espainiako Gobernuak Kataluniari", gaineratu du.
Bestalde, Espainiako Gobernua kritikatu du. Ortuzarren iritziz, Espainiako Gobernuaren obsesio bakarra "Kataluniako gizartearen legezko nahiak errotik moztea da". Hala, Espainiako Gobernua izaten ari den jokabide lotsagarriagatik katalanek duten "amorrua eta haserrea" partekatzen dutela nabarmendu du.
"Arazoa konpondu baino nahiago izan du ostikada bat ematea, hain zuzen ere, 2005ean Zaparetoren Gobernuak herri honen estatus politiko berriaren proiektuari eman zion bezala", nabarmendu du.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.