Estatutuko oinarrizko adostasunak haustea egotzi dio Urkulluk Rajoyri
Ertzaintzako Lan Eskaintza Publikoaren (LEP) kontra helegitea jarrita, Gernikako Estatutuko oinarrizko adostasunak "modu larrian" haustea egotzi dio Iñigo Urkullu lehendakariak Mariano Rajoyren Gobernuari. Horren iritziz, Espainiako Gobernuak autogobernuaren kontra hartutako konfrontazio juridikoaren bidean beste kapitulu bat da, eta jarritako helegitea "Estatuaren berzentralizazio espirituaren baitan" ulertu behar da.
Euskal Herriko Unibertsitatean (UPV-EHU) Zabalduz Eguna irekitzeko ekitaldian hitzaldia egin du Iñigo Urkullu lehendakariak, eta Espainiako Gobernuak Ertzaintzako Lan Eskaintza Publikoaren (LEP) kontra jarritako helegitea hizpide izan du. Aipaturiko lan-eskaintza publikoarekin 120 lanpostu bete nahi dituzte. Lehendakaria arduratuta agertu da euskal autogobernua pairatzen ari den "erasoak" direla eta.
Hala, Mariano Rajoyren Gobernuak helegitea jarrita, Ertzaintzaren Lan Eskaintza Publikoa gelditzeko pauso berri bat eman duela salatu du Urkulluk. Erabaki horrek "Gernikako Estatutua eta Konstituzioa" urratzen ditu, eta, gainera, "Eusko Legebiltzarraren bermea duen Segurtasun Batzordearen erabakia zalantzan jartzen du". Lehendakariak gaineratu duenez, Espainiako Gobernuak ez ditu betetzen segurtasun publikoaren alorreko oinarrizko akordio politiko eta juridikoak.
Inpugnazio hori Espainiako Gobernuak autogobernuaren kontra hartutako "konfrontazio juridikoaren bidean" beste kapitulu bat da, Urkulluren arabera. Horren esanetan, "Gernikako Estatutuko oinarrizko adostasunak modu larrian haustea dakar eta berzentralizazio espirituaren baitan ulertu behar da. Horri Kataluniako galdeketaren kontra jarritako helegitea gehitu behar zaio".
Urkulluren iritziz, ez dira bateragarriak Mariano Rajoyk eta Espainiako Gobernuak ahotan dituzten elkarrizketarako eta legezkotasuna betetzeko deiak eta autogobernuaren kontrako aldebakarreko politika.
Bestalde, Urkulluk Espainiako Gobernua kritikatu du LOMCE legea "inposatzen saiatzeagatik", eta erabateko jarrera aldaketa izateko eskatu dio. "Beharrezkoa da konfrontazioa eta ukazioa albo batera utzi, eta, elkarrizketan eta akordioan oinarrituta, etorkizun berria eraikitzea", nabarmendu du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.