Diru-sarrerak Bermatzeko Errentari buruzko debate 'sakona' eskatu dute
Javier Maroto Gasteizko alkateak adierazi duenez, Alderdi Popularrak ezin du onartu Diru-Sarrerak Bermatzeko Errentari buruz Eusko Legebiltzarrean egingo den eztabaida "azalekoa" izatea. Hala, Marotok gizarte laguntzak eskuratzeko baldintzak gogortzea eskatzeko sinadura kanpaina abiatu du, izan ere, 30.000 sinadura behar ditu herri ekimen legegilea Legebiltzarrean aurkezteko.
Marotok ekitaldi politiko batean parte hartu du gaur goizean Gasteizen, Javier de Andres Arabako ahaldun nagusiarekin eta Alfonso Alonso Arabako popularren presidente eta PPk Diputatuen Kongresuen duen bozeramailearekin batera. Bi buruzagi popularrek Marotok abiatutako ekimenari babes osoa eskaini diote.
Gasteiztarrak eta arabarrak "solidarioak eta integratzaileak dira, baina ez edozein modura", Marotoren arabera. Halaber, "herritarren kezkak entzun nahi ez dituztenak" gogor kritikatu ditu: "Kaleko jendea kezkatzen duten gaiei buruz hitz egiten dugunean zergatik jartzen dira urduri eta amorratuta? Zergatik ezin dugu kalean pil-pilean dauden gaiez hitz egin?".
Laguntza sozialetan "abusu" asko izaten ari direla esaten omen diote herritarrek Marotori. Eztabaida horri uko egiten diotenei ondorengo galdera egin die: "Merkatari batek haren negozioari bultzada emateko mailegu bat eskatzen dio bankuari, baina horrek ukatu egiten dio. Ondoren, gizarte laguntzak eskatzera joaten da, baina laguntza ukatzen diote. Haren atzetik paperik gabeko etorkin bat joaten da diru-laguntzak eskatzera eta hari hilean 866 euroko laguntza ematen diote. Horren aurrean zer esan behar diogu merkatariari?".
"Arazoaz" hitz egiteko premia nabarmendu du Marotok. Alderdi Popularrak gaiaren inguruan proposamenak egingo dituela gaineratu du, izan ere, PPk diru-laguntzak mantentzea defendatzen du, "baina ez abusuak" mantentzea. Halaber, eztabaida hau "toki guztietakoa" da.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.