Amaiur: 'Arrosa koloreko egoera erakutsiko digu aurten Gobernuak'
Xabier Mikel Errekondo Amaiurreko diputatuak Mariano Rajoyren Gobernua eta aurtengo hauteskundeak izan ditu hizpide Euskadi Irratiari eskaini dion elkarrizketan. “Arrosa kolorekoa erakutsi nahiko dute guztia”, esan du. Denon eskubideak urratzeko Espainiako Gobernuak krisia erabili duela erakustearen alde agertu da.
Errekondoren arabera, aurtengo urtean legealdi hasieran zehaztutako helburu berdinak jarraituko ditu Amaiurrek. “Gatazka politikoaren, subiranotasunean eta eredu sozioekonomiko berriaren konponbidea bultzatuko ditugu”, esan du.
Madrilgo Gobernuak bultzatu nahi dituen “helburu gordinak eta gogorrak” salatzen jarraituko dutela ere gogoratu du Errekondok, eta “haren benetako aurpegia erakustearen alde” agertu da. “Eredu erabat neoliberala bultzatu nahi izanda, ez dute hori aldatuko”, iritzi dio.
“Madrilgo Gobernuaren lehen urteak murrizketen urteak izan ziren, eta 2014 urtea oinarrizko eskubideak urratzeko erabili diren erreformen urtea izan da”, esan du.
“Azken urte hau hauteskunde urtea da eta dena polita, eta arrosa kolorekoz erakutsiko digute. Gure lana ondorengoa izango da: Krisia oinarrizko eskubideak urratzeko erabili dutela erakustea eta horriaurre egitea”, gaineratu du.
Espainiako Gobernuak abertzaleek egiten dituzten eskaeren aurrean duen jarrera ere hizpide izan dute Euskadi Irratiko elkarrizketan. “Ezezkoan” oinarrituta egotea deitoratu du Errekondok. “Inoiz ez dute onartuko euskal herri bat dagoenik, ez eta herritarrek geure kabuz gure etorkizuna erabaki ahal izango dugunik ere”, esan du.
Iñigo Urkullu lehendakariak urte amaierako mezuan elkarlanerako luzatutako deia kritikatu du. “Guk urteak daramatzagu subiranotasunaren inguruan elkarlana eskaintzen, eta jaso dugun erantzuna horretatik urruntzea izan da”, amaitu du.
Zure interesekoa izan daiteke
PSOEk eta PPk talka egin dute sozialisten kontuen auditoria dela eta: Lopezek finantzazio irregularra ukatu du eta Garciak “autoinformea” dela esan du
Oscar Lopez Eraldaketa Digitalerako eta Funtzio Publikorako ministroak esan du txostenak agerian uzten duela alderdian ez zela legez kanpoko finantzaketarik izan. Alicia Garcia PPk Senatuan duen bozeramaileak, aldiz, zalantzan jarri du dokumentuaren sinesgarritasuna.
Juan Luis Ibarrak utzi egin du Ertzaintzaren kontrol batzordearen presidente kargua
Ibarra Euskal Autonomia Erkidegoko Auzitegi Nagusiko presidentea izan zen, eta Eusko Jaurlaritzak 2021eko abenduaren amaieran izendatu zuen Ertzaintzaren kontrol batzordearen presidente.
Chivite: "Aniztasunari uko egin gabe funtzionatzen duen eredu baten adibide gara"
Nafarroako presidenteak urte amaierako ohiko mezuan egin du 2025aren balorazioa.
PSOEk alderdiaren ordainketei buruz eskatutako txostenak baztertu egin du legez kanpoko finantzaketa, baina gastu "deigarriak" aurkitu ditu
Besteak beste, 300 euro baino gehiagoko menuek eta Belgikako jatetxeetako otorduek eman diete arreta txostena egin dutenei. PSOEk 2017 eta 2024 bitartean eskudirutan egindako ordainketak aztertzea du helburu azterlanak.
Ubarretxenaren esanetan, Espainiako Gobernuan "azken orduko beldurrak" piztu dira eskumenen tranferentziak direla eta
Jaurlaritzaren bozeramailearen ustez, Estatuari zenbait eskumen askatzeak kezkak eragin dizkio, eta orain arte mahai gainean ez zeuden oztopoak agertu dira. Pedro Sanchezi hitza betetzeko eskatu dio eta 16an eskumenen transferentzia egikaritzen ez bada, abisu eman du, Jaurlaritzak ez duela ezer sinatuko.
Gerra Zibilean hildako eta Zornotzako hilerrian lurperatutako miliziano baten gorpuzkiak berreskuratu ditu familiak 89 urteren buruan
Jesus Arratibel Ruiz De Alegria arabarra Zornotzako ospitale militarrean hil zen, eta bertako hilerrian lurperatu zuten. Gogora Institutuaren ekimenez, hilobiratutako 149 pertsonaren gorpuzkiak atera zituzten eta identifikazio prozesu baten ostean, gaur eman dizkiete senitartekoei.
Feijooren iritziz, 2025 “sanchismoaren erabateko kolapsoaren urtea” izan da
Alberto Nuñez Feijoo PPren buruak Espainiako Gobernuaren "10 porrot" aipatu ditu, horien artean, etxebizitza, migrazio politika eta "nazioarteko mesfidantza".
Loiuko Udaleko Bozeramaileen Batzordeak herriko alkatearen kontrako pintaketak gaitzetsi ditu
Tokiko erakundeak premiazko bilera egin du gaur goizean adierazpen instituzional bat adosteko. Pintaketetan Josu Andoni Begoriaren izena ageri da, diana bat erdian duela. EAJren eta PPren aldeko botoekin onartu dute testua; EH Bilduk ez du sinatu.
Bilboko Udalak 2026rako aurrekontua onartu du, eta urte bukaerako ohiko brindisa egin dute alderdi guztiek
EAJren eta PSEren botoak nahikoak izan dira aurrekontua onesteko, oposizioaren proposamenak onartu gabe. Hiriburuak 751 milioi euro izango ditu, 2025ean baino 32 milioi gehiago, eta gizarte gastua asetzeko, azpiegiturak hobetzeko eta kultura bultzatzeko erabiliko dira nagusiki. Azken urteetan bezala, Bilboko Udala ez da zorpetuko. Aurrekontuak onartu ondoren, Bilboko Udaleko alderdi politiko guztiek arabiar aretoan topa egin dute.
Otxandianok uste du EAJk Kongresuan duen jarrera ez dela "asko aldatuko", nahiz eta eskuduntzen eskualdatzea ez bete
Zentzu horretan, EH Bilduk Eusko Legebiltzarrean duen bozeramaileak adierazi du EAJ ez dela izan "babes iraunkorra ematen duen bloke baten parte", eta ez duela Pedro Sanchezen Gobernuarekin "programa partekatu bat", beraz, ez du uste "dinamika parlamentarioa asko aldatuko denik".