Iruzurra saihesteko 'erabateko aldaketa' egin du Suitzako HSBC bankuak
HSBC banketxe britainiarraren Suitzako filialak iragarri duenez, iruzurra saihesteko 'erabateko aldaketa egin du', hainbat lagun ezagunek euren dirutza ezkutatzeko erabili zutela jakin eta gero.
Le Monde egunkaria buru, munduko hainbat komunikabidek Herve Falciani informatikoak filtratutako milaka bezeroren bankuko datuak atera dituzte. Kaleratutako informazioaren arabera, Mohamed VI. Maroko erregeak edo Emilio Botin Santander banketxeko presidente zenak dirua gorde zuten HSBCko filialean, euren herrialdeetako zergak ez ordaintzeko.
Hedabideok zabaldutakoaren arabera, banketxearen Suitzako filialak 180.000 miloi dolar gorde zituen ustez iruzurra egiteko, dirua zuritzeko eta nazioarteko terrorismoa finantzatzeko erabili zirenak.
Oharra kaleratu du Franco Morra Suitzako filialaren zuzendari nagusiak 'Falciani zerrenda'ren eskandaluari aurre egiteko eta jarrera irmoa agertu nahi izan du: "Euren betebehar fiskalak eguneratuta ez zituzten bezero batzuk izan ditugu HSBC Private Banken. Orduan genituen estandar eta onarpen maila ez dira onargarriak gaur egun", aitortu du banketxeak.
Morraren arabera, kontu guztiak sakon aztertu zituen filialaren zuzendaritza berriak eta "banketeko estandarrak betetzen ez zituzten kontuak itxi' egin dituzte. Izan ere, argitu duenez, "finantza-kriminalitatearen inguruan ditugun eskakizunak betetzen ez dituzten bezeroak ez ditugu gurean nahi". Era berean, barne-kontrolak areagotu dituztela iragarri du Morrak.
"Suitzako banketxe pribatuaren eredua onargarria ez dela agerian utzi dute" gaur zabaldutako informazioek, Morrasen iritzian.
Suitzak ez du auzia ikertuko
Eskandalua gorabehera, Suitzak ez du HSBCren edo haren zuzendaritzaren kontrako auzibiderik abiatu eta bertako fiskalek ez dute ikerketa hasteko eskatu. Are, 'Falciani auzia'ren harira zabalik dagoen auzibide bakarra Falcianiren beraren kontrakoa da, finantza-espioitza, bankuko sekretua urratzea, eta bezeroen datuak bidegabe lortzea egotzi diote eta.
>
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.