Toñak Enplegu sailburu gisa segituko duela erabaki du Etika batzordeak
Angel Toña Enplegu eta Gizarte Politika sailburuak bere karguan jarraitzeko oniritzia jaso du Eusko Jaurlaritzaren Kode Etikoaren Batzordearen partetik, konkurtso administrazio batean jaso zuen 18 hilabeteko gaitasungabetzeak ez diola karguan jarraitzea galarazten ebatzi baitu aho batez.
Hala eta guztiz ere, Batzordeak aitortu du "akats politikoa" izan dela Bizkaiko Probintzia Auzitegiaren ebazpenaren berri eman ez izana.
Otsailaren 11n jaso zuen Toñak ebazpena, kargua hartu bezperan. Egun horretan bertan, Iñigo Urkullu lehendakariari azalpenak eman ostean, Kode Etikoaren Batzordearen esku utzi zuen gaitasungabetzearen inguruko informazio guztia, sailburu karguarekin bateragarria ote zen erabaki zezan.
Aipatu Batzordea Josu Erkoreka Eusko Jaurlaritzaren bozeramaileak, Andres Zearreta Funtzio Publikoaren sailburuordeak, Maite Iruretagoiena Administrazio Publikoaren Euskal Institutuko zuzendariak, Daniel Inerarity filosofoak eta Elisa Perez Vera abokatuak osatzen dute. Guztiek, aho batez, egin dute Toñak karguan jarraitzearen alde.
Alderdien erreakzioak
Kode Etikoaren Batzordeak hartutako erabakiaren harira, EH Bilduk espero du Enplegu sailburu berriak "langile guztien eskubide guztiak" babestuko dituela, "bere inhabilitazioa eragin duen kasuan ez bezala". Era berean, Eusko Jaurlaritzak orain arte abian jarritako "lan-politikak erabat aldatzeko" eskatu dio kolazio soberanistak Angel Toñari.
PSE-EEren iritzian, Toñak sailburu karguari eustea "aldez aurretik hartuta erabakia da". "Egoera honen inguruan lehendakariak duen iritzia jakin barik jarraitzen dugu; batzordearen atzean babestu da, gai honen aurrean duen jarrera azaldu behar ez izateko", erantsi dute Alderdi Sozialistako iturriek.
Laura Garrido Euskadiko PPren bozeramailearen aburuz, "ezerezean" geratu da Urkulluren Gobernuak hainbat aldiz aldarrikatu duen kode etikoa eta zuzentasuna. "Toñak karguan jarraitzea erabakita, agerian geratu da gardentasunaren aurretik irizpide politikoak gailendu direla", kritikatu du.
Juan Maria Aburto Enplegu sailburu ohiak eta EAJren Bilboko alkategaiak, berriz, Toñaren ibilbide profesionala "akatsik gabekoa" izan dela nabarmendu du eta "kontseilari on bat" izateko baldintza guztiak betetzen dituela gaineratu du.
Zure interesekoa izan daiteke
PSOEk eta PPk talka egin dute sozialisten kontuen auditoria dela eta: Lopezek finantzazio irregularra ukatu du eta Garciak “autoinformea” dela esan du
Oscar Lopez Eraldaketa Digitalerako eta Funtzio Publikorako ministroak esan du txostenak agerian uzten duela alderdian ez zela legez kanpoko finantzaketarik izan. Alicia Garcia PPk Senatuan duen bozeramaileak, aldiz, zalantzan jarri du dokumentuaren sinesgarritasuna.
Juan Luis Ibarrak utzi egin du Ertzaintzaren kontrol batzordearen presidente kargua
Ibarra Euskal Autonomia Erkidegoko Auzitegi Nagusiko presidentea izan zen, eta Eusko Jaurlaritzak 2021eko abenduaren amaieran izendatu zuen Ertzaintzaren kontrol batzordearen presidente.
Chivite: "Aniztasunari uko egin gabe funtzionatzen duen eredu baten adibide gara"
Nafarroako presidenteak urte amaierako ohiko mezuan egin du 2025aren balorazioa.
PSOEk alderdiaren ordainketei buruz eskatutako txostenak baztertu egin du legez kanpoko finantzaketa, baina gastu "deigarriak" aurkitu ditu
Besteak beste, 300 euro baino gehiagoko menuek eta Belgikako jatetxeetako otorduek eman diete arreta txostena egin dutenei. PSOEk 2017 eta 2024 bitartean eskudirutan egindako ordainketak aztertzea du helburu azterlanak.
Ubarretxenaren esanetan, Espainiako Gobernuan "azken orduko beldurrak" piztu dira eskumenen tranferentziak direla eta
Jaurlaritzaren bozeramailearen ustez, Estatuari zenbait eskumen askatzeak kezkak eragin dizkio, eta orain arte mahai gainean ez zeuden oztopoak agertu dira. Pedro Sanchezi hitza betetzeko eskatu dio eta 16an eskumenen transferentzia egikaritzen ez bada, abisu eman du, Jaurlaritzak ez duela ezer sinatuko.
Gerra Zibilean hildako eta Zornotzako hilerrian lurperatutako miliziano baten gorpuzkiak berreskuratu ditu familiak 89 urteren buruan
Jesus Arratibel Ruiz De Alegria arabarra Zornotzako ospitale militarrean hil zen, eta bertako hilerrian lurperatu zuten. Gogora Institutuaren ekimenez, hilobiratutako 149 pertsonaren gorpuzkiak atera zituzten eta identifikazio prozesu baten ostean, gaur eman dizkiete senitartekoei.
Feijooren iritziz, 2025 “sanchismoaren erabateko kolapsoaren urtea” izan da
Alberto Nuñez Feijoo PPren buruak Espainiako Gobernuaren "10 porrot" aipatu ditu, horien artean, etxebizitza, migrazio politika eta "nazioarteko mesfidantza".
Loiuko Udaleko Bozeramaileen Batzordeak herriko alkatearen kontrako pintaketak gaitzetsi ditu
Tokiko erakundeak premiazko bilera egin du gaur goizean adierazpen instituzional bat adosteko. Pintaketetan Josu Andoni Begoriaren izena ageri da, diana bat erdian duela. EAJren eta PPren aldeko botoekin onartu dute testua; EH Bilduk ez du sinatu.
Bilboko Udalak 2026rako aurrekontua onartu du, eta urte bukaerako ohiko brindisa egin dute alderdi guztiek
EAJren eta PSEren botoak nahikoak izan dira aurrekontua onesteko, oposizioaren proposamenak onartu gabe. Hiriburuak 751 milioi euro izango ditu, 2025ean baino 32 milioi gehiago, eta gizarte gastua asetzeko, azpiegiturak hobetzeko eta kultura bultzatzeko erabiliko dira nagusiki. Azken urteetan bezala, Bilboko Udala ez da zorpetuko. Aurrekontuak onartu ondoren, Bilboko Udaleko alderdi politiko guztiek arabiar aretoan topa egin dute.
Otxandianok uste du EAJk Kongresuan duen jarrera ez dela "asko aldatuko", nahiz eta eskuduntzen eskualdatzea ez bete
Zentzu horretan, EH Bilduk Eusko Legebiltzarrean duen bozeramaileak adierazi du EAJ ez dela izan "babes iraunkorra ematen duen bloke baten parte", eta ez duela Pedro Sanchezen Gobernuarekin "programa partekatu bat", beraz, ez du uste "dinamika parlamentarioa asko aldatuko denik".