Toñak helegitea jarriko du Gorenean gaitasungabetzeko epaiaren aurka
Angel Toña Eusko Jaurlaritzako Enplegu eta Gizarte Politiketako sailburuak gaur iragarri duenez, kasazio helegitea aurkeztuko du Auzitegi Gorenean Bizkaiko Auzitegiak administratzaile konkurtsal izateko ezarri zion gaitasungabetzearen aurrean.
"Helegitea jartzeak ez zuela merezi pentsatu nuen bere garaian, irizpide profesionalak kontuan hartuta, baina politikari gisa helegitea jarri beharra daukadala uste dut", adierazi du sailburuak Radio Euskadiri eskainitako elkarrizketa batean. Gainera, ez zuela legearen kontrako ezer egin berretsi du, eta, "izatekotan, akats bat" izan zela.
Lehendakariari epaiari buruzko informazioa ez jakinaraztearen harira, "akats politikoa" egin zuela aitortu du; izan ere, "ikuspuntu profesionaletik begiratuta ez dauka garrantziarik". Halaber, Urkullu ez zela haserretu eta euren arteko harremanean ez dela inolako aldaketarik izan nabarmendu du.
Sailburuaren esanetan, oposizioko talde batzuek lehendakaria eta Jaurlaritza ahultzeko erabili dute gaia, baina, horren iritziz, epaia "egiazkoa" bada ere, "ez dago gaia eraman den tokira eramateko arrazoirik".
Bestalde, gainerako sailburuek eta Euskal Autonomia Erkidegoko lau sindikatu nagusiek (ELA, LAB, CCOO eta UGT) erakutsi dioten babesarekin indarberrituta sentitu dela adierazi du; izan ere, egungo sailburuak administratzaile konkurtsal moduan egindako lana babestu zuten, proiektu industrial bat eta enplegua defendatzen saiatu zelako.
Enplegu eta Gizarte Politiketako sailburu gisa egingo duen lanaz galdetuta, gazteen enplegua sustatzeko hainbat ekimen bultzatuko dituela azpimarratu du, eta horretara aparteko diru-partida bat bideratuko dela gaineratu du.
Horrez gain, enpresariek alor horretan duten garrantzia azpimarratu du, eta enpresen emaitzak hobetuz gero, langileen lan-baldintzetan ere hobekuntzak egiteko eskatu die enpresariei.
Zure interesekoa izan daiteke
PSOEk eta PPk talka egin dute sozialisten kontuen auditoria dela eta: Lopezek finantzazio irregularra ukatu du eta Garciak “autoinformea” dela esan du
Oscar Lopez Eraldaketa Digitalerako eta Funtzio Publikorako ministroak esan du txostenak agerian uzten duela alderdian ez zela legez kanpoko finantzaketarik izan. Alicia Garcia PPk Senatuan duen bozeramaileak, aldiz, zalantzan jarri du dokumentuaren sinesgarritasuna.
Juan Luis Ibarrak utzi egin du Ertzaintzaren kontrol batzordearen presidente kargua
Ibarra Euskal Autonomia Erkidegoko Auzitegi Nagusiko presidentea izan zen, eta Eusko Jaurlaritzak 2021eko abenduaren amaieran izendatu zuen Ertzaintzaren kontrol batzordearen presidente.
Chivite: "Aniztasunari uko egin gabe funtzionatzen duen eredu baten adibide gara"
Nafarroako presidenteak urte amaierako ohiko mezuan egin du 2025aren balorazioa.
PSOEk alderdiaren ordainketei buruz eskatutako txostenak baztertu egin du legez kanpoko finantzaketa, baina gastu "deigarriak" aurkitu ditu
Besteak beste, 300 euro baino gehiagoko menuek eta Belgikako jatetxeetako otorduek eman diete arreta txostena egin dutenei. PSOEk 2017 eta 2024 bitartean eskudirutan egindako ordainketak aztertzea du helburu azterlanak.
Ubarretxenaren esanetan, Espainiako Gobernuan "azken orduko beldurrak" piztu dira eskumenen tranferentziak direla eta
Jaurlaritzaren bozeramailearen ustez, Estatuari zenbait eskumen askatzeak kezkak eragin dizkio, eta orain arte mahai gainean ez zeuden oztopoak agertu dira. Pedro Sanchezi hitza betetzeko eskatu dio eta 16an eskumenen transferentzia egikaritzen ez bada, abisu eman du, Jaurlaritzak ez duela ezer sinatuko.
Gerra Zibilean hildako eta Zornotzako hilerrian lurperatutako miliziano baten gorpuzkiak berreskuratu ditu familiak 89 urteren buruan
Jesus Arratibel Ruiz De Alegria arabarra Zornotzako ospitale militarrean hil zen, eta bertako hilerrian lurperatu zuten. Gogora Institutuaren ekimenez, hilobiratutako 149 pertsonaren gorpuzkiak atera zituzten eta identifikazio prozesu baten ostean, gaur eman dizkiete senitartekoei.
Feijooren iritziz, 2025 “sanchismoaren erabateko kolapsoaren urtea” izan da
Alberto Nuñez Feijoo PPren buruak Espainiako Gobernuaren "10 porrot" aipatu ditu, horien artean, etxebizitza, migrazio politika eta "nazioarteko mesfidantza".
Loiuko Udaleko Bozeramaileen Batzordeak herriko alkatearen kontrako pintaketak gaitzetsi ditu
Tokiko erakundeak premiazko bilera egin du gaur goizean adierazpen instituzional bat adosteko. Pintaketetan Josu Andoni Begoriaren izena ageri da, diana bat erdian duela. EAJren eta PPren aldeko botoekin onartu dute testua; EH Bilduk ez du sinatu.
Bilboko Udalak 2026rako aurrekontua onartu du, eta urte bukaerako ohiko brindisa egin dute alderdi guztiek
EAJren eta PSEren botoak nahikoak izan dira aurrekontua onesteko, oposizioaren proposamenak onartu gabe. Hiriburuak 751 milioi euro izango ditu, 2025ean baino 32 milioi gehiago, eta gizarte gastua asetzeko, azpiegiturak hobetzeko eta kultura bultzatzeko erabiliko dira nagusiki. Azken urteetan bezala, Bilboko Udala ez da zorpetuko. Aurrekontuak onartu ondoren, Bilboko Udaleko alderdi politiko guztiek arabiar aretoan topa egin dute.
Otxandianok uste du EAJk Kongresuan duen jarrera ez dela "asko aldatuko", nahiz eta eskuduntzen eskualdatzea ez bete
Zentzu horretan, EH Bilduk Eusko Legebiltzarrean duen bozeramaileak adierazi du EAJ ez dela izan "babes iraunkorra ematen duen bloke baten parte", eta ez duela Pedro Sanchezen Gobernuarekin "programa partekatu bat", beraz, ez du uste "dinamika parlamentarioa asko aldatuko denik".