EH Bilduk 'euskal bidea'n lehen pausoa eman du, milaka lagunen aurrean
Hasier Arraiz Sortuko presidente eta EH Bilduko legebiltzarkideak adierazi duenez, Euskal Herrian aldaketa politikoa eta soziala lortzeko erantzuna bakarra da: independentzia. Are gehiago, gaineratu du "euskal herritarrei ezartzen zaizkien lege bidegabeen gainetik", beren etorkizuna erabakiko dutela.
EH Bilduk Barakaldoko BECek egin duen ekitaldi nazionalean 7.500 pertsona inguru bildu dira, EH Bilduren arabera. Arraizen esanetan, eredu neoliberala aukera posible bakarra zela konbentzitu nahian ibili da Estatua eta, ezin izan duenean, haren poliziak "garaipena" lortzen ahalegindu dira. "Merkatuak beren kasa erregulatzen zirela zioten. Hemen ere hori egin dute eta begira nola dauden", azaldu du.
"Guk independentzia nahi dugu guztia aldatzeko. Euskal estatu bat nahi dugu euskal herritarrek aukera izan dezaten duintasunez eta dagozkien eskubide sozial guztiekin bizitzeko", gaineratu du.
Arraizen esanetan, Estatu espainiarrak inposizioak baino ez dizkie eskaintzen euskal herritarrei, politika neoliberalen inposizioa, murrizketa sozialena, hizkuntzarena eta kulturarena, identitate nazionalarena eta proiektu politiko batena. Gaineratu duenez, inposizio horien aurrean protesta egiten duenari "errepresioa"rekin erantzuten dio Estatuak.
EH Bilduko legebiltzarkidea ezkerreko independentisten eta soberanisten fronte zabala eratzearen alde mintzatu da. "Amets baten alde guztia emateko prest egoten jarraitzen dugu eta, hori dela eta, EH Bildu, eta haren gizon eta emakumeak ez gaude salgai", azaldu du.
Sortuko buruzagiaren arabera, euskal estatu independentea eraikitzeko inoizko baldintza objektiborik onenak daude orain. "Lege bidegabeen gainetik, herri hau herritarrek nahi dutena izango da". Hori dela eta, argi eta garbi esaten dugu: etorkizunari euskaraz independentzia esaten diogu", gaineratu du.
Euskal Herriko aldaketa sozial eta politikoa Nafarroatik etorriko da
Adolfo Araiz EH Bilduren Nafarroako presidentegaiari aipamena eginez, Arraizek nabarmendu du Nafarroatik etorriko dela Euskal Herriko aldaketa sozial eta politikoa.
Bestalde, Adolfo Araizek adierazi du Foru Erkidegoan "hobeto bizitzeko" erakundeen "agintea" hartu behar dela. "Nahikoa da, Madrilen, Ferrazen, Genovan edo dena delako tokian nafarren izenean erabaki dezaten", gaineratu du.
"Argi eta garbi izan dezatela: ez datoz euskal herritarrak, Nafarroara datorrena demokrazia da, eta hori da benetan ikara eragiten diena, herriak erabakitzea. Erregimen bidegabe, ustel, elitista eta antidemokratiko honi hordagoa botatzen ari gara. EH Bildutik Nafarroaren erabakitzeko eskubidea aldarrikatzen dugu", nabarmendu du.
Halaber, Nafarroarentzat garai berri bat irekitzen dela baieztatu du eta nafarrek erabaki dezaten "mekanismoak" garatzeko proposamena egin du.
Arnaldo Otegiren eskutitza
Saroi Jauregi BECeko ekitaldiaren aurkezleak Arnaldo Otegik Logroñoko kartzelatik bidalitako eskutitza irakurri du eta bertan urratsak egiten jarraitzeko
"Pauso bat ematea, gelditzea, begiratzea ea norabidea egokia den. Beste pauso bat eman eta pauso guztiak batzea, partekatzea, eztabaidatzea eta adostea. Milaka pauso eman eta ez gelditzea, 10.000 pauso eman eta herriaren taupadak entzutea. Berriz ere norabide egokia den begiratzea, partekatzea, eztabaidatzea, adostea, erakartzea, bidelagun berriei lekua egitea eta Euskal Herria askatzeko pauso berriak planifikatzea", amaitu du.
Zure interesekoa izan daiteke
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.