Egibarren aburuz, Kontzertuaren polemikak arreta desbideratu nahi du
Joseba Egibar GBB presidenteak gaur azaldu duenaren arabera, Kontzertu Ekonomikoaren inguruan sortutako eztabaidaren xedea "beste gauza batzuez ahaztea" da, zeren porrot egin duena Estatu espainiarreko politika- eta lurralde-eredua delako. Horrez gain, adierazi duenez, jeltzaleak Estatu gabeko nazioen (Euskadi eta Katalunia, kasu) eta Estatuaren artean "bizikidetza eredu berri bati buruzko" negozioa irekitzearen alde tematuko dira.
Abenduaren 20ko hauteskundeei begira bere alderdiak Gipuzkoatik Kongresura eta Senatura aurkeztuko dituen hautagaien aurkezpen-ekitaldian parte hartu du Agirrek, Donostian, Aquariumaren ondoan. Zerrenda horien buru Joseba Agirretxea eta Maria Eugenia Iparragirre egongo dira, hurrenez hurren.
Egibarren ustetan, Kontzertu Ekonomikoari buruzko eztabaidan jardunean ari dira, "beste gauza batzuez ahaztea" eragiteko, krisian benetan sartu dena Espainiako Estatuaren eredu politikoa, lurralde eredua, "porrot egin baitu", eta, ondorioz, autonomia-erkidegoen finantzaketak ere huts egi du. Testuinguru horretan, adierazi du EAJ ez dela "zenbat eta okerrago hobeto" pentsatzen duen horietakoa, "baizik eta zenbat eta okerrago, okerrago".
Egibarrek ohartarazi du "gatazka politikoak jarraitu" egingo duela, baldin eta Estatu espainiarrean ez bada elkarrizketa-, negoziazio-bide bat sortzen Estatu gabeko nazioekin, azken horiek ere presente egon nahi baitute, beste errealitate nazional batzuekin berdintasunezko harremana izanik.
Ildo horretatik, adierazi du EAJk bere jarrera defendatu behar duela, "bizikidetza politikorako esparru berri bat" nahi duelako, "errespetutik eta berdintasunetik abiatuta".
Egibar ziur agertu da une hori iritsiko dela, "iritsi behar du", eta "EAJ tematu egingo da une hori eta negoziazio-aukera hori eman dadin". Horregatik, jeltzaleek Madrilen ordezkaritza izan behar dutela azpimarratu du, "Euskadiren interesak defendatzeko".
defendatzeko".Zure interesekoa izan daiteke
PSOEk eta PPk talka egin dute sozialisten kontuen auditoria dela eta: Lopezek finantzazio irregularra ukatu du eta Garciak “autoinformea” dela esan du
Oscar Lopez Eraldaketa Digitalerako eta Funtzio Publikorako ministroak esan du txostenak agerian uzten duela alderdian ez zela legez kanpoko finantzaketarik izan. Alicia Garcia PPk Senatuan duen bozeramaileak, aldiz, zalantzan jarri du dokumentuaren sinesgarritasuna.
Juan Luis Ibarrak utzi egin du Ertzaintzaren kontrol batzordearen presidente kargua
Ibarra Euskal Autonomia Erkidegoko Auzitegi Nagusiko presidentea izan zen, eta Eusko Jaurlaritzak 2021eko abenduaren amaieran izendatu zuen Ertzaintzaren kontrol batzordearen presidente.
Chivite: "Aniztasunari uko egin gabe funtzionatzen duen eredu baten adibide gara"
Nafarroako presidenteak urte amaierako ohiko mezuan egin du 2025aren balorazioa.
PSOEk alderdiaren ordainketei buruz eskatutako txostenak baztertu egin du legez kanpoko finantzaketa, baina gastu "deigarriak" aurkitu ditu
Besteak beste, 300 euro baino gehiagoko menuek eta Belgikako jatetxeetako otorduek eman diete arreta txostena egin dutenei. PSOEk 2017 eta 2024 bitartean eskudirutan egindako ordainketak aztertzea du helburu azterlanak.
Ubarretxenaren esanetan, Espainiako Gobernuan "azken orduko beldurrak" piztu dira eskumenen tranferentziak direla eta
Jaurlaritzaren bozeramailearen ustez, Estatuari zenbait eskumen askatzeak kezkak eragin dizkio, eta orain arte mahai gainean ez zeuden oztopoak agertu dira. Pedro Sanchezi hitza betetzeko eskatu dio eta 16an eskumenen transferentzia egikaritzen ez bada, abisu eman du, Jaurlaritzak ez duela ezer sinatuko.
Gerra Zibilean hildako eta Zornotzako hilerrian lurperatutako miliziano baten gorpuzkiak berreskuratu ditu familiak 89 urteren buruan
Jesus Arratibel Ruiz De Alegria arabarra Zornotzako ospitale militarrean hil zen, eta bertako hilerrian lurperatu zuten. Gogora Institutuaren ekimenez, hilobiratutako 149 pertsonaren gorpuzkiak atera zituzten eta identifikazio prozesu baten ostean, gaur eman dizkiete senitartekoei.
Feijooren iritziz, 2025 “sanchismoaren erabateko kolapsoaren urtea” izan da
Alberto Nuñez Feijoo PPren buruak Espainiako Gobernuaren "10 porrot" aipatu ditu, horien artean, etxebizitza, migrazio politika eta "nazioarteko mesfidantza".
Loiuko Udaleko Bozeramaileen Batzordeak herriko alkatearen kontrako pintaketak gaitzetsi ditu
Tokiko erakundeak premiazko bilera egin du gaur goizean adierazpen instituzional bat adosteko. Pintaketetan Josu Andoni Begoriaren izena ageri da, diana bat erdian duela. EAJren eta PPren aldeko botoekin onartu dute testua; EH Bilduk ez du sinatu.
Bilboko Udalak 2026rako aurrekontua onartu du, eta urte bukaerako ohiko brindisa egin dute alderdi guztiek
EAJren eta PSEren botoak nahikoak izan dira aurrekontua onesteko, oposizioaren proposamenak onartu gabe. Hiriburuak 751 milioi euro izango ditu, 2025ean baino 32 milioi gehiago, eta gizarte gastua asetzeko, azpiegiturak hobetzeko eta kultura bultzatzeko erabiliko dira nagusiki. Azken urteetan bezala, Bilboko Udala ez da zorpetuko. Aurrekontuak onartu ondoren, Bilboko Udaleko alderdi politiko guztiek arabiar aretoan topa egin dute.
Otxandianok uste du EAJk Kongresuan duen jarrera ez dela "asko aldatuko", nahiz eta eskuduntzen eskualdatzea ez bete
Zentzu horretan, EH Bilduk Eusko Legebiltzarrean duen bozeramaileak adierazi du EAJ ez dela izan "babes iraunkorra ematen duen bloke baten parte", eta ez duela Pedro Sanchezen Gobernuarekin "programa partekatu bat", beraz, ez du uste "dinamika parlamentarioa asko aldatuko denik".