Iglesiasek herritarren erreskatea lehenetsi du Rajoyren aurrean
Pablo Iglesias Podemoseko buruzagia hartu du gaur Mariano Rajoy Gobernuko jarduneko presidenteak Moncloa jauregian, eta bi orduz egon dira bilduta, Pedro Sanchez PSOEren buruarekin halako bi. Igandeko hauteskunde orokorren ondoren Gobernua osatzeko aukerak aztertzeko bilera-sorta egiten ari da Rajoy, eta geroxeago Albert Rivera Ciudadanosen buruarekin elkartu da.
Iglesiasek esan du "premiazkoa" dena Parlamentuak "larrialdi sozial" egoerari erantzutea dela, eta horixe dela lehentasuna beste alderdiekin negoziatzen duenean; Espainiaren batasunaren uko egin gabe, baina "demokraziatik", erabakitzeko eskubideari erreferentzia eginez.
Podemosen idazkari nagusiak esna du une honetan ez dela "Iglesiasek Rajoyri esan dio orain ez dela "eserlekuez hitz egiteko garaia, Espainiaz hitz egitekoa baizik".
Hala, herritarren arazoez eztabaidatu beharra dagoela adierazi dio, eta lehentasuna Parlamentuak funtzionatzea dela.
Iglesiasek bileraren osteko prentsaurrekoan azaldu duenez, "PPren hautagaiak badaki Podemosek inola ere ez duela berak edo PPk gidatutako Gobernua babestuko".
Pablo iglesiasi behin eta berriz galdetu diote erreferendumaren defentsa baztertzeko asmoa ote duen PSOErekin akordio batera iristeko eta, erreferendum hitza aipatu ez badu ere, bere jarrera oso argia eta ezaguna dela berretsi du.
"Esan duguna beti errepikatu dugu: Espainiaren batasuna demokraziatik babesten dela ulertzen ez duenak, eta Estatuaren aniztasuna eta nazio aniztasuna ulertzen ez duenak, ez du ezer ulertzen. Duela astebete esandako gauza bera errepikatzen jarraitzen dugu", azpimarratu du.
"Hori bai, premiazkoa" dena "urtarrilaren 13an" Parlamentuan lanean hastea dela iritzi dio, "espainiarrek ezin baitute itxaron, eta ez dituzte merezi herritarren arazoez hitz egin beharrean aulki jokoez hitz egiten ari diren ordezkariak".
Hala, "25 Legea" lehenbailehen onartzean jarri du arreta Iglesiasek. Podemosek Parlamentua osatzen den egunean bertan aurkeztuko du, eta helburua herritarrak argindarrik gabe eta etxerik gabe ez geratzea, indarkeria matxistaren biktimei aterpea ematea eta pentsiodunen koordainketari amaiera ematea izango da.
Era berean, PSOEri antzerkirik ez egiteko eta PPren Gobernuari bide emango ote dion argitzeko eskatu dio. Izan ere, sozialistak ez omen dira maila ematen ari, ez daudelako herritarren arazoez kezkatuta eta Estatuaren nazio aniztasuna ulertzen ez dutelako, erabakitzeko eskubidea errefusatuta.
Riveraren eta Rajoyren bilera. Argazkia: Efe
Bestalde, Albert Rivera Ciudadanosen presidenteak baieztatu egin dio Espainiako Gobernuaren presidenteari ez duela inbestiduran babestuko, eta ez dela Ciudadanos buru ez duen Gobernu batean parte hartuko. Era berean, oposizio "arduratsu eta erabilgarria" izango dela azpimarratu du.
Ordubete inguruko bileraren ostean, Riverak esan du oposiziotik sustatuko dituela egiturazko erreforma ekonomiko eta sozialak, hezkuntzatik hasi, eta hauteskunde sistemaraino.
Riverak argi adierazi nahi izan du "espainiar guztien batasuna" ezin dela "negoziatu", eta berretsi du ez duela Espainiaren zatiketa aurreikusten duen ibilbide orririk babestuko.
Gobernuaren buru izateko agintea jaso zuela esan die Rajoyk
Azkenik, Espainiako Gobernuak prentsa-ohar batean azaldu duenez, Rajoyk esan die hauteskunde orokorren "agindu demokratikoa" duela Gobernu berriaren buru izateko.
Rajoyk azpimarratu du presidente izaten jarraitzeko zilegitasuna duela PP bozkatuena izan zelako, eta gogorarazi du Espainiaren demokrazian beti agindu duela bozkatuenak, aldea txikiagoa ere izan den arren.
PPk PSOEri zazpi puntu eta 30 eserleku baino gehiagoko aldea atera ziola eta 17 erkidegotik 13tan irabazi zuela gogorarazi omen die, era berean, hori justifikatzeko.
"Emaitza horiek espainiarren borondatearen adierazpide argia eta ukeezina dira eta, logika demokratikoan, Gobernua osatzeko agindua izan beharko litzateke", Espainiako Gobernuaren arabera.
Gainera, espainiarren gehiengo zabalak ordena konstituzionala, Espainiaren batasuna, subiranotasun nazionala, espainiarren arteko berdintasuna, Espainiak EBn eta munduan jokatzen duen papera, eta terrorismoaren eta indarkeriaren kontrako borroka babestu zutela gogorarazi die Iglesiasi eta Riverari.
Zure interesekoa izan daiteke
PPk irabaziko lituzke hauteskundeak Extremaduran, 29 eserleku lortuta, botoen % 75 zenbatu dutenean
PSOEk 18 eserleku izango lituzke (hamar gutxiago), inoizko emaitzarik txarrena lortuz. VOXek 11 eserleku lortuko lituzke (sei gehiago), eta Unidas por Extremadurak 7 eserleku lortuko lituzke, duela bi urte baino hiru gehiago.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.