Euskarazko irakasle postu gutxiago eskainiko ditu Nafarroako Gobernuak
Nafarroako Gobernuak Hezkuntzako lan eskaintza publikoan euskarazko irakasle postuak 228tik 108ra murriztuko ditu; gaztelerazko 92 postuak, berriz, mantentzea erabaki du. Deialdiaren xehetasunak ostiral honetan azalduko dizkie sindikatuei.
Deialditik kenduko dituzten euskarazko 120 irakasle postuak Haur eta Lehen Hezkuntzakoak dira.
UPNren Gobernuak bere garaian egindako lan eskaintza publikoaren aurka Estatuak iragarritako helegitearen ondotik hartu du aipatu erabakia Foru Gobernuak. Sindikatu eta alderdi abertzaleak haserre agertu dira; sindikatu eta alderdi unionistak, ostera, pozik.
Eusko Alkartasunak “atzerapausotzat, onartezintzat eta iraintzat” jo du proposamen berria eta Geroa Baik UPNren antzera jokatzen duela salatu du, “irakasle euskaldunak eta bertoko hizkuntza jakitea zigortuz”.
Irakasle euskaldunak “diskriminatu” egiten dituela esanez, erabakian atzera egitea eskatu du.
PSNk deitoratu du UPNk bere momentuan hartutako “erabaki alderdikoiak” ekarri duela Estatuaren helegitea eta horrek orain egungo lan eskaintza publikoan eragina izan duela.
Horrez gain, zerrenda bakarraren aurka agertu dira eta irakasle euskaldunen eta gazteleraz soilik dakitenen merituak banatuta kontuan hartzea eskatu dute sozialistek.
Sindikatuen kasuan, LABek esan du lan eskaintza publikoaren kudeatzea “oso txarra” izaten ari dela eta proposamen berria “irizpide politikoetan” oinarritzean dela, “irizpide teknikoetan oinarritu beharrean”.
Horrenbestez, LABek dio Nafarroako Gobernuak “erabateko arduragabekeriaz” jokatu duela eta Ahal Duguren eta Izquierda-Ezkerraren (hasierako proposamena zalantzan jarri zuten) deitoragarritzat jo du.
STEILAS sindikatuak iragarri du proposamen berriaren kontra egingo duela, ostiral honetan egingo duten bileran aldaketarik ez bada.
Bestalde, AFAPNA eta CCOO sindikatuak ontzat eman dute Nafarroako Gobernuaren hautua.
Albiste gehiago politika
EAJk jakinarazi du Miguel Telladok PPrekiko harremanari berriro heltzea eskatu diela
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak onartu egin du PPren ordezkariarekin hitz egitea kortesia parlamentarioagatik.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak egoera politikoa dela eta kezkatuta dagoela adierazi du beste behin, eta ikerketa azken bururaino eramatea eskatu. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.
EAJ 'Koldo auzia'ri buruzko informazio gehiago izateko zain dago, erabaki bat hartu aurretik
Iñigo Ansola EAren Bizkaiko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago, "egoera aztertzeko eta hurrengo pausuak erabakitzeko".
Sumar PSOErekin bilduko da koalizioa aztertzeko, asteazkenean
Demokrazia biziberritzeko eta Espainiako Gobernuaren agenda soziala bultzatzeko neurriak eskatuko dizkio Sumarrek PSOEri.
PPk Sanchezen bazkideekin bilera erronda egingo du, PSOE babesten jarraitzen duten jakiteko
"Bere bigarrenak espetxean egin du lo, baina Sanchezek jarraitu nahi du. Zentzugabekeria da", ohartarazi du PPren buruak, X sare sozialean zabaldutako mezu batean.
Gamarrak PPren idazkari nagusia izateari utziko dio asteburu honetan; nork ordezkatuko du?
Hala ere, Alberto Nuñez Feijooren hurbileko izaten jarraituko du Gamarrak; izan ere, alderdiaren Justizia arloa zuzenduko du, ziurrenik. Miguel Tellado da Gamarra ordezkatzeko hautagaietako bat, PPk Kongresuan duen bozeramailea bera.
Zergatik uste du epaileak Cerdanek “egozten zaizkion gertakarietan” parte hartu zuela? Atzemandako zantzuak, hemen
Ikerketa egiten ari den Leopoldo Puente epailearen iritzian, sozialisten buruzagi ohia “arduratzen zen eraikuntzako enpresei dirua eskatzeaz”. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du haiei ematen ziela jasotako dirua.