Podemos Euskadik aberri 'inklusibo' baten alde egin du
Nagua Alba Podemos Euskadiko idazkari nagusiak "aberri inklusibo baten alde egin du", zeinetan nortasun guztiek, mundu guztiak, tokia izango duen. Haren oinarri nagusia giza eskubideen, bakearen eta gizarte eskubideen defentsa izango da. "Horiek gabe ezin dugu aberria ulertu", gaineratu du.
Podemos Euskadik bere lehen Aberri Eguna ospatu du gaur Donostian. Ehun bat pertsona bildu dira Nestor Basterretxeak egindako 'Bakearen usoa' eskulturaren aldamenean. Nagua Albak mintzaldi labur bat egin du "Gure aberria jendartea da, giza eskubideak eta erabakitzeko eskubidea" lelopean.
Bere esku hartzean zehar esan duenez, euskal aberria "guztiona da, salbuespenik gabe". Horregatik, ohartarazi du erratu egiten direla "guztionak diren aberria eta sinboloak monopolizatzen dituztenak", baita Podemosi errieta egin nahi dietenak ere, gaurko ekitaldia egitea izandako "ausarkeriagatik".
Era berean, gaineratu du berriz ere erratu egin direla Aberri Eguna ospatzeko erabakia hauteskundeei begira egindako kalkulu hotza dela uste dutenak;"ez da kalkulua, baizik eta konpromisoa", baieztatu du Albak.
Eztabaidarako ardatzak
Podemos Euskadiko idazkari nagusiak eztabaidarako sei ardatz proposatu ditu, horiek oinarri izateko "Euskadirentzat beste bizikidetza-hitzarmen bat" pentsatzeko garaian.
Lehendabiziko ardatza da "arauzko bideak egon behar direla edozein proiektu demokratiko gauzatu izan ahal dadin", zeren, bere aburuz, "ezin daiteke sabai aldaezinik egon demokratikoki adierazitako jendartearen borondatearen aurrean".
Bigarren ardatza gizarte eskubideen "blindatzea" da, "gure eskubideak gauzatzeko baldintza materialak izango ditugun berme demokratiko gisa". Hirugarrena, berriz, "erakunde gardenak, hurbilak, parte-hartzaileak eta herritarren zerbitzura egongo direnak erdituko dituen lurralde doikuntza pentsatzea".
Ildo beretik, azaldu du "proiektu politiko orok hertsiki defendatu behar dituela giza eskubideak", eta hori laugarren ardatza litzateke. Bosgarrenak "pluralismo politiko eta soziala gauza positibotzat eta gorde beharreko ondaretzat hartu" behar dela dio, eta, azkenik, seigarren ardatzak jasotzen duena da euskara "behingoz guztion ondasuna eta gizarte osoak partekatzen duena izatea".
duena izatea".Albiste gehiago politika
Mertxe Aizpurua (EH Bildu): "Gehiengo abertzaleari erantzun behar dio Espainiako Gobernuak eta zintzilik dauden transferentzia guztiak eskuz aldatu"
EH Bilduk Diputatuen Kongresuan duen bozeramailearen arabera, "alderdi abertzaleek ados jarri beharko genuke" eskualdatzeko dauden eskumenak transferitzeko. Gogorarazi du horien artean Gizarte Segurantzaren kudeaketarena dagoela, eta azpimarratu du, zaila izan arren, euskal indar abertzaleek elkarrekin eskatu beharko lioketela Espainiako Gobernuari hartutako konpromisoa betetzeko.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek biharko hitzorduan
Transferentzien Aldebiko Batzordea Madrilen bilduko da bihar, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.
Espainiako Gobernua eta Generalitatea finantziazio-eredua sinatzeko dira, beste erkidego batzuk mesfidati agertu diren arren
Espainiako Gobernuaren eta Generalitatearen arteko Aldebiko Batzordea 12:00etan egingo da, Bartzelonan, mahai gainean finantzaketa-eredu berezia duela. PSCren eta ERCren arteko akordioaren emaitza da, eta orain bi exekutiboek onartu dute, baina xehetasunak aletu beharko dituzte.
EAJk Voxi: "Zuekin ez, ezta Voxekin batera datozenei ere"
Ikurrinak 131 urte bete ditu. Lehen aldiz Bilboko Posta kalean zegoen Batzokian zintzilikatu zuten. Ikurrinari gaur egindako omenaldian Iñigo Ansola BBBko presidenteak adierazi du gure kultura, nortasun eta euskararen kontra daudenekin inolaz ere ez dutela bat egingo ere, Voxi aipamen zuzena eginda.
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregi Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen aldebakarreko eta itundu gabeko igoera baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.