Gure Esku dagok hainbat ekitaldi antolatu ditu ekainaren 5ari begira
Erabakitzeko eskubidearen aldeko Gure Esku Dago ekimenak hainbat ekitaldi antolatu ditu larunbat honetarako, ekainaren 5ean egin behar dituen galdeketen bezperan. Guztira Euskal Herriko 34 herritan egingo dituzte erabakitzeko eskubidearen eta independentziaren aldeko galdeketak.
Hori horrela, eta motorrak berotze aldera, zenbait ekitaldi prestatu dituzte Azpeitian, Bergaran, Goierrin, Hondarribian eta Ispasterren.
Goierritarrek, adibidez, mosaiko erraldoi bat egin dute Larraitzen, 2011n egin zuten gisara. Horrez gain, datorren igandeko galdeketetan parte hartzeko deia egin diete goierritarrei.
Gaur arratsaldeko hitzorduei dagokienez, Bergaran izango da lehendabizikoa; hain zuzen ere, 16:30etik aurrera lipduba grabatuko dute. Azpeitian, ostera, arratsaldeko seietan elkartuko dira lipduba grabatzeko.
Bestalde, Ispasterren boto orriak banatuko dituzte datorren igandeko galdeketara begira.
Azkenik, Hondarribian Kataluniako ANC eta Sumate elkarteetako ordezkariek hitzaldia eskaini dute goizean. Hondarribian ez dute oraingoz galdeketarako datarik zehaztu.
Arrigorriaga erabakitzeko eskubidearen olatura batu da
Gure Esku Dago dinamikako Arrigorriagako lantaldeak erabakitzeko eskubideari buruzko herri galdeketa iragarri du 2017rako, eta prozesua gidatuko duen Batzorde Sustatzailea aurkeztu du gaur.
"Herri galdeketa berme juridiko guztiekin eta galdeketa prozesuaren zilegitasuna bermatuz gauzatuko da, protokolo juridiko batek babestuta eta talde sustatzaile batek bultzatuta", azaldu dute.
Arrigorriagak herri galdeketak egingo du 2017an. Argazkia: Gure Esku Dago
Oraingoz, hauek dira 2017rako herri galdeketa iragarri duten udalerriak: Arrigorriaga, Oarsoaldea, Aulesti, Barrika, Bermeo, Busturia, Elorrio, Sopela, Uribe Kosta, Usurbil eta Hernani.
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.