EAJk berretsi du 'ezetz' esango diola Rajoyri
Aitor Esteban EAJren Kongresuko bozeramaileak berretsi du "ezezko" botoa eman diola Mariano Rajoyri lehenengo eta bigarren bozketan, inbestidurarako aurkeztuko balitz. "Zurrumurruei" aurre egin nahi izan die horrela bozeramaile jeltzaleak, eta ez du baztertu hauteskundeak berriro errepikatzea.
"EAJk 'ez' bozkatuko du Rajoy inbestiduran aurkezten bada, eta bigarren bozketan, 48 ordura, berriro bozkatuko du 'ez'", azpimarratu du Estebanek erregearekin 40 minutuz bildu ostean Kongresuan eman duen prentsaurrekoan.
"Batzuek eta besteek nahita hedabideetan zabaltzen dituzten zurrumurruak" kritikatu ondoren, Estebanek EAErekiko "jarrera aldaketa" eskatu dio Rajoyri, nahiz eta aitortu ez dela halakorik izango epe laburrean.
Senatuan talde propioa izateko PPk senatariak utzi dizkiola eta, diputatu jeltzaleak esan du "kortesia" ekintza bat besterik ez dela izan, eta ukatu egin du PPrekin zubiak erakitzen ari direla.
Era berean, PSOEren eta Podemosen jarrera salatu du. Pedro Sanchezi eskatu dio ez egiteko presiorik beste alderdi batzuen kontra, eta duen ardura beregain hartzeko. Pablo Iglesiasi, berriz, "gehiago ez intoxikatzeko" eskatu dio.
Dena dela, alderdi politiko horiekin hitz egiteko prest agertu da indar ezkertiarren alternatiba eraikitzeko asmoa badute, baina uste du ez direla horretarako lanean ari. Horren aurrean, Estebanek ez du baztertzen hauteskundeak berriro errepikatzea.
Diputatu jeltzaleak gogor erantzun nahi izan dio EAJren eta PPren arteko ustezko gerturatzearen inguruan sortu den "vaudeville"ari, eta "aski" dela esan du behin eta berriz sumindura agertzeko.
Rajoyren inbestidura errazteko "abstentzio kolektiboa" emateaz galdetuta, argi erantzun du Estebanek: "Ez dakit nondik atera den aukera hori, eta batzuen eta besteen jarrerak ez garamatza horra".
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.