Kartzelan ama izan diren preso ohiek Majarenas askatzea eskatu dute
Kartzelan ama izan diren preso ohiek Sara Majarenas aske uztea eskatu dute, Izar alabak “fisikoki eta psikologikoki hobera egiteko ezinbesteko pertsona delako”.
Donostian, Emakumeen Etxean egindako agerraldian, Anabel Prieto preso ohiak esan du “justua delako, oinarri etikoengatik eta umearen osasunagatik” eskatzen dutela Majarenasen askatasuna.
Izarrek onera egin badu ere, oraindik Valentziako Ospitaleko zainketa intentsiboetako unitatean jarraitzen duela azpimarratu dute. Amaren baimenarekin, umea espetxetik atera zuen aitak eta irteera hori baliatu zuen bi urteko haurrari labankadaz eraso egiteko. Gertakariak urtarrilaren 15ean jazo ziren, Valentzian. Aita espetxean sartu dute.
Donostiako Udalak iragarri zuen Majarenas Martutenera ekartzeko eskatuko ziola Espetxeetako Zuzendaritzari. Umeak hiru urte egingo ditu martxoan eta une horretatik aurrera ezingo du amaren ondoan jarraitu, kartzelan.
“Picassenten egotea baino hobea da Martutenen izatea, baina guk Sara askatzea eskatzen dugu”, azpimarratu du Prietok; izan ere, urtebete geratzen zaio ezarritako zigorra oso-osorik betetzeko.
“Sarak duela bi urte baino gehiago bete zituen zigorraren hiru laurdenak eta, beraz, haurrak bost hilabete zituenetik biek kalean behar zuten”, gaineratu du.
Horrez gain, kartzelan jaio eta hazi diren umeek bizi dituzten “unerik zailenak” amarengandik banatzen dituztenekoak direla ohartarazi dute. “Espetxean bereziki estua da amak bere seme edo alabarekin duen harremana, egunero 24 orduz daudelako elkarrekin, hiru urtez jarraian”, erantsi du.
Hortaz, amarengandik bereizitako ume horiek “egokitze prozesu luze eta konplexu bat” behar izaten dute. Izarren kasuan prozesu hori are zailagoa izango dela esan dute, “zauri fisiko eta psikologiko larriak dituelako”.
Hori dela eta, “bera ama da sendatzen lagun diezaiokeen pertsona egokiena”, nabarmendu dute.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".