PSOEk eta Ciudadanosek ez dute babestuko Rajoyren aurkako zentsura-mozioa
Antonio Hernando Alderdi Sozialistak Diputatuen Kongresuan duen bozeramaileak adierazi duenez, ez dute babestuko Pablo Iglesias Podemos alderdiko buruak Mariano Rajoy Espainiako presidentearen aurka planteatu duen zentsura-mozioa. Hernandoren aburuz, Iglesiasek "fede txarrez" eta "arduragabekeriaz" jokatu du, uste baitu "su artifizial horiek" oposizioaren kaltetan direla.
Izan ere, Pablo Iglesiasek PSOEri eta oposizioa osatzen duten gainerako alderdiei dei egin die Mariano Rajoy presidentea Diputatuen Kongresuan aurkeztutako zentsura-mozio baten bidez kargugabetzeko. Alderdi moreak ez du hautagairik proposatu, baina aurreratu duenez, mozioa aurkeztuko du sozialistek babestu ala ez.
Antonio Hernandorentzat, Pablo Iglesiasek eman duen prentsaurrekoa duela urtebete erregearekin bildu ostean eman zuenaren "berdina" da. Orduko hartan, aipatu bileratik atera eta PSOErekin batera osatutako Gobernu bateko balizko ministroei buruz hitz egin zuen. "Orduan fede txarra egon zen, seriotasun falta, eta gaur errepikatu egin da egoera", defendatu du.
Horrenbestez, eta "PPri aurka egingo dion gehiengorik ez" dagoela gogoratu ostean, baztertu egin du Unidos Podemosen zentsura-mozio hori babestea, eta ohartarazi duenez, era horretan "oposizioa kaltetzen da". "Iglesiasen su artifizial horiekin denbora preziatua ari gara galtzen PPri bere lokatzezko ustelkeriarengatik erantzukizunak eskatzeko".
Ciudadanos ere aurka
Jose Manuel Villegas Ciudadanos alderdiko idazkari nagusiak baieztatu duenaren arabera, bere alderdiak ere ez dio babesik emango Rajoyren aurkako zentsura-mozioari.
Villegasek Kongresuan zeuden kazetarien aurrean egindako adierazpenetan adierazi duenez, Espainiak dituen arazoak ez dira konpontzen "Pablo Iglesias presidente, presidenteorde edota Barne ministro bihurtuta".
Bere esanetan, "modu serioagoan" konpontzen dira: "ustelkeria argituta eta erantzukizun judizialak eta politikoak eskatuta, herrialdeari egonkortasuna emango dioten neurriak hartuta".
PP: "Irrigarrikeria"
"Barregarri geratzea" leporatu dio Podemosi Rafael Hernandok, Talde Popularrak Kongresuan duen bozeramaileak, Rajoyren aurkako zentsura-mozioarekin. Bere esanetan, Espainia ez dago "irrigarrikerietarako", baizik eta "gauza serioetarako" Hori dela eta, Hernandok esan duenez, Podemosek "noizbait barregarri geratzeari utzi" diezaiola gustatuko litzaioke, eta kontuan har dezala milioika espainiarrek politika egiteko" hautatu dituztela.
Azaldu duenaren arabera, zentsura-mozioa aurkezteko 35 eserleku behar dira eta Podemos eta Compromis alderdiek 75 dituzte: "Orduan, zeren izan daude?", galdetu du.
EAJ: "Erabateko baldarkeria"
Bere aldetik, Aitor Esteban EAJko bozeramaileak "erabateko baldarkeria" iritzi dio aukera horri, gutxiengo posizio batetik datorrelako, eta, ohartarazi duenez, Gobernuko presidenteari mesedegarri izan dakioke, lortu nahi duen kontrako ondorioa eraginez.
Jeltzaleak kritikatu egin du Pablo Iglesiasek Podemosen asmoaren berri eman izana aurretiaz gainerako taldeekin hitz egin gabe, hautagaia nor izango den jakin gabe eta babesak bermatuta izan gabe. Estebanen esanetan EAJK orain arte Andoni Ortuzar alderdiko presidenteari zuzendutako sms mezu bat besterik ez du jaso. "Ez zait iruditzen politika egiteko forma serioa. Etxe ez da sabaitik eraikitzen, baizik eta zimenduetatik", baieztatu du.
Horren harira, Estebanek Podemosi ohartarazi dio, zentsura-mozioa baztertzen bada, bilatzen den kontrako ondorioa izan eta Rajoyren egoera "sendo" dezakeela, agerikoa bailitzateke ez dagoela "alternatiba izan daitekeen gehiengorik".
Alabaina, EAJk Podemosekin hitz egingo duela aurreratu du, "nahiz eta ez dirudien beste ezer prestaturik dagoenik" Iglesiasek aurreratu duenaz gain.
PDeCAT, eszeptiko
PDeCAT alderdiko Carles Campuzano eszeptiko agertu da, iragarritako zentsura-mozioari buruz.
Bere alderdia Podemosekin bilduko dela adierazi du, haien asmoa zein den ezagutzeko. Aitzitik, alderdi morearen proposamena aurrera ateratzeko aukera gutxi daudela esan du: "Ez dirudi, momentuz, behar den gehiengoa dagoenik".
ERC, babesteko prest, baina baldintzekin
Joan Tarda ERC alderdiak Kongresuan duen bozeramailearen esanetan, bere taldea prest legoke zentsura-mozioa babesteko, baldin eta hura sustatzen dutenek ziurtatzen duten irailaren bigarren hamabostaldian Katalunian erreferendum subiranista egiteko eragozpenik jarriko ez dutela.
Zure interesekoa izan daiteke
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.