Ximo Puigek esan du Kontzertu Ekonomikoa ez dela pribilegio bat
Iñigo Urkullu lehendakariak Ximo Puig Valentziako Generalitateko presidentea hartu du gaur goizean Gasteizen, "elkarlanerako aro berri bati hasiera emanez". Hala adierazi du Puigek.
Valentziako agintariak euskal Kontzertu Ekonomikoa eta Kupoa izan ditu hizpide. Tresna hori Espainiako Konstituzioak babestuta dagoela eta, beraz, pribilegioa ez dela azpimarratu du. Alabaina, autonomia erkidegoen finantzazioan ematen den "egoera injustua" konpon dezala exijitu dio Espainiako Gobernuari.
Puigen arabera, finantzazioarekin egun dagoen arazoak "erkidegoetako oinarrizko zerbitzu publikoetan du eragina, hala nola, osasunenean edota hezkuntzan".
"Espainiako Gobernuak ezin du beste aldera begiratu, ezin du entzungorrarena egin edo arazoa gainerako erkidegoak elkarrekin ados jarrita konpontzen dela esan; finantzazio sistema berri bat jarri behar du abian, erkidego bakoitzaren berezitasuna eta herritarren arteko berdintasuna bermatuz", azaldu du.
Portuen transferentzia eta trenbide sarea
Bestalde, Eusko Jaurlaritzak eta Valentziako Generalitateak portuak kudeatzeko eskumena transferitzeko eskatu diote Espainiako Gobernuari, baita bi erkidegoen arteko trenbide sarea eraikitzea ere, Bilboko eta Valentziako portuak lotuta egon daitezen.
Horrenbestez, bi exekutiboak elkarlanean arituko dira portuen eskumena lortzeko. "Ez du inolako zentzurik portuak zentralizatuta egotea, ez da normala Madrileko erakunde batek zuzentzea gure portuak, hazteko eta lehiatzeko aukera mugatuz", kritikatu du Puigek.
Autonomia erkidegoek aipatu azpiegiturak "eraginkortasun handiagoarekin" kudeatuko lituzketela azpimarratu du. "Arrazoizkoa izan daiteke Estatuko erakunde batek portu guztiak koordinatzea, baina kudeaketa erkidegoen esku egon behar da", erantsi du.
Horrez gain, Eusko Jaurlaritzak Bilboko eta Valentziako portuen arteko lotura hobetzearen beharrizana ere nabarmendu du, batez ere merkantzia garraiatzeko eta aipatu bi erkidegoak Europarekin lotzeko. Ildo horretan, Kantauri – Mediterraneoa korridoreari buruzko ikerketa bat galdegin dio Estatuari.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.