13 pertsona ikerketapean, urriaren 1eko webgunearen kopiak sareratzeagatik
Hamahiru pertsona ikerketapean jarri ditu Espainiako Poliziak Kataluniako erreferendumaren webgunearen kopiak sareratzea egotzita. Urriaren 1eko webgunea itxi zuen Guardia Zibilak, baina haren ordezkoak kaleratu zituzten laster.
Hamahiru pertsona horiek gaur galdekatu ditu Espainiako Poliziak. Bartzelonako polizia-etxean bederatzi lagunek deklaratu dute; gainerakoek, Gironan eta Tarragonan egin dute.
Galdeketa amaituta, aske utzi dituzte guztiak, baina desobedientzia delitua leporatuta. Beraz, epaileak noiz deituko zain geratu dira.
Besteak beste, marianorajoy.cat domeinuaren sortzailea dago ikerketapean.
Poliziaren galderak gehienak legediari lotutakoak izan direla, baina ez deklaratzeko eskubidea baliatu duela jakinarazi du ikasle horrek Bartzelonako komisaldegitik ateratzerakoan.
Gironan deklaratu duten gazteen abokatuek Poliziaren erabakia kritikatu dute, atari digitalen kopiak egitea delitua izan zitekeela ez zekitelako.
Polizia-etxeen aurrean elkarretaratzeak egin dituzte, kaltetuei elkartasuna adierazteko.
Larunbatean, urriaren 1ean non eta nola bozkatu ahal den azaltzen zuten hiru webguneak ixteko agindu zuen Kataluniako Auzitegi Nagusiak.
Errekerimendua udalei
Bitartean, erreferendumaren alde izenpetutako agirien kopia eskatuko die Guardia Zibilak Kataluniako 31 udalei, Fiskaltzak hala eskatuta. Horrez gain, urriaren 1ean udal lokalak uzteko sinatutako dokumentuak ere galdegingo dizkiete.
Iturri fiskalek azaldu dutenez, Fiskaltza Lleidako udalak ikertzen ari da, 57tik 30 bat. Alkateak dagoeneko deklaratzera deitu dituzte. Hain justu, Olianako (Lleida) Udaletxean sartu da goizean Guardia Zibila agirion bila, Miquel Sala alkateak TV3 telebista kateari azaldu dionez.
Esan duenez, agenteek udal idazkaritzari eman diote errekerimendua eta Gobernuak udalei bidalitako kartekin zerikusia duen txosten juridiko bat eraman dute. Karta horietan legea betetzea eskatu eta Konstituzionalari kasurik ez egiteak ekar ditzakeen ondorioez ohartaraztu zien.
U-1ari Oliako Udalak egindako babes dekretua ere eskatu diote, nahiz eta alkateak sinatu ez zuela ikusi duten. Manifestu baten bitartez erakutsi zion babesa erreferendumari, azaldu du Salak.
Tarragonako Fiskaltzak fax bitartez eskatu die erreferenduma babesteagatik ikertutako alkateei dokumentazioa, lokalak uztearekin edota kontsultari egindako babes ofizialarekin zerikusia dutenak.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.