Zapatero: 'ETA gabe eta Espainiarekin bakean, inoiz baino hobeto dago Euskadi'
Jose Luis Rodríguez Zapatero Espainiako presidentea izandakoa Donostian izan da gaur, Euskadiko Gazte Sozialistek banatu dituzten Oroimen Hegoak sarietako bat jasotzen. Euskal Herrian "bake zibila" eraikitzeko "ahalegin kolektiboa" eskatu du Zapaterok, eta horretarako, ezinbestekotzat jo du "gaizkileek erabateko damua agertzea". Horrela bakarrik, lortuko da, buruzagi sozialistaren arabera, "benetako bizikidetza".
Euskal Herrian bakegintzan egindako lana aitotu nahi dute gazte sozialistek sari hauekin. Aurten, Zapaterorekin batera, Alfredo Perez Rubalcaba Barne ministro ohia, Eduardo Madina Kongresuan diputatu sozialista izandakoa eta Donostiako Lagun liburu denda saritu dituzte. Iaz Jesus Eguiguren PSE-EEko buruzagiak jaso zuen aitortza.
Bere hitzaldian, Zapaterok azpimarratu du hamarkada bat baino gehiago beharko direla "ETAk eragindako mina gainditzeko". "Gertatutakoaren azterketa sakona behar da min hori gainditzeko", esan du.
"Lan asko egin dugu indarkeriari aurre egiteko. Gizarte zibilarena, demokratena eta askatasunaren balioena da meritu guztia", gaineratu du. Zapateroren hitzetan, "Euskadi inoiz baino hobeto" dago gaur egun: "ETA gabe eta Espainiarekin bakean".
Bide horretan Euskadiko Gazte Sozialistek eta PSE-EEk egin duten eta egiten ari diren lana txalotu du Zapaterok.
Mendia: 'Terrorismoa amaitzea sozialisten lorpena da'
Idoia Mendia PSE-EEren idazkari nagusiak ere hartu du hitza ekitaldian. "Terrorismoa amaitzea" sozialisten lorpena dela nabarmendu du, Espainian eta EAEn sozialistak agintzen ari zirela lortu baitzen "ETAren amaierarako bidea abiatzea", Mendiaren hitzetan.
ETAren biktimak izan ditu gogoan bere hitzaldian. "Egia, justizia eta erreparazioa" aldarrikatu ditu biktimentzat, eta sozialistek ez diotela memoriari uko egingo ziurtatu du. "Iragana ahaztea beste bidegabekeria bat izango litzateke", esan du .
Oroimen Hegoak sari kolektiboa Lagun liburu dendak jaso du:
Albiste gehiago politika
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.