Milaka pertsona bildu dira Bartzelonan Kataluniako errepublikaren alde
Milaka pertsona bildu ziren atzo, igandea, arratsaldean Bartzelona erdigunean, ANCk Kataluniako errepublikaren alde deitutako manifestazioan.
Manifestazioaren helburua alderdi independentistak presionatzea izan da, independentziarako bidean aurrera egingo duen gobernua osatzeko akordioa lor dezaten.
"República, ara" (Errepublika, orain) lelopean, Bartzelonako Colon Pasealekuan barrena ibili ziren, Drassanesetik Ciutadella parkera iritsi arte.
Manifestazioaren buruan, Agusti Acoberro eta Marcel Mauri ANC eta Omniumeko buruzagiak joan ziren, baita Carme Forcadell Parlamenteko presidente ohia eta Jordi Solé ERCko eurodiputatua ere.
Horiez gain, honako ordezkari politikoek ere hartu zuten parte: Neus Munté, Jordi Turull, Josep Rull, Albert Batet PDeCATeko buruzagia, Carles Riera (CUP) eta Ernest Maragall (ERC).
Generalitateko presidentea inbestitzeko prozesua blokeatuta dagoela egin zuten mobilizazioa.
Roger Torrent Parlamenteko presidenteak astelehenerako aurreikusitako inbestidura saioa atzeratzea erabaki zuen joan den ostiralean, Estrasburgoko Giza Eskubideen Europako Auzitegiak Jordi Sanchezi jarritako kautelazko neurrien inguruan ebatzi arte.
Horrez gain, CUPeko diputatuak abstenitu egingo direla berretsi dute, JxCatek eta ERCk egindako azken proposamena jaso ostean. CUPen botoak beharrezkoak dira inbestidurak aurrera egin dezan.
ANCk JxCati, ERCri eta CUPi akordio eza aurpegiratu die
Kataluniako Gobernua osatzeko akordiorik ez lortu izana leporatu die ANCk JxCati, ERCri eta CUPi gaurko manifestazioan. Legegintzaldia hasteko eta errepublika bultzatzeko beharrezkoa dela berretsi du eta azalpenak eskatu dizkie: "Zer demontre gertatzen ari da? Zer geratzen da esateko?"
Jordi Paironek egin ditu adierazpenok, ANCko Idazkaritza Nazionaleko kideak, manifestazioa amaitutakoan emandako hitzaldietan. "Ustekabea eta haserrea" erakutsi ditu oraindik ez delako adostasunik lortu.
Albiste gehiago politika
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.
Jose Maria Angel goialdeko depresiorako komisarioak dimititu egin du, haren curriculumak sortutako polemika dela eta
Buruzagi sozialistaren esanetan, ez du inoiz dokumenturik faltsutu. Haren ohorea eta arlo publikoan egindako ibilbidea kaltetu duen "justifikaziorik gabeko erasoa" salatu du.
Cuelgamurosen zeuden Gasteizko soldadu baten gorpuzkiak eman dizkiote familiari
Memoria Demokratikorako Estatu idazkariak adierazi duenez, "Gobernuak hartutako konpromisoari eutsiko dio, biktima guztiak hobitik ateratzeko, senideek hala eskatzen badute".
Imanol Pradales: "Diaspora aktiboa behar dugu munduan aliantzak lortzeko"
Lehendakariak adierazi du Boiseko Jaialdira egin duen bidaiaren helburuetako bat "Euskadi globala" lortzeko bidean aurrera jarraitzea dela, eta azpimarratu du esparru guztietan aliantzak sortzeko diasporaren zereginaren garrantzia.