AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
NABOren eta Etxepare Institutuaren arteko sinadura ekitaldia. Argazkia: Europa Press
Etxepare Euskal Institutua eta NABO (North American Basque Organizations) Ameriketako Estatu Batuetako Euskal Etxeetan euskararen irakaskuntza sustatzeko eta sendotzeko lankidetza hitzarmena sinatu dute Boiseko (Estatu Batuak) Jaialdian.
Akordio "estrategikoa da, Eusko Jaurlaritzak euskal diasporarekin duen konpromisoa indartzen duena, eta euskara herriaren kohesio osagai gisa finkatzen laguntzen duena", azaldu du Etxeparek.
Akordioa Etxepare 2018tik aurrera eramaten ari den Euskara Munduan programaren barruan kokatzen da. Horren helburua da euskararen ezagutza mundu osoko euskal komunitateen artean zabaltzea eta hizkuntzaren transmisioa belaunaldi berriei erraztea.
Imanol Pradales lehendakariak adierazi duenez, "NABOrekin egindako akordioa konpromiso pedagogikoa baino askoz gehiago da, urrats estrategikoa da euskararen nazioartekotzean eta Euskadiren proiekzio globalean".
Imanol Pradales lehendakaria
Hizkuntza da gure nortasun ezaugarri nagusietako bat, eta diasporan bizirik mantentzea gure komunitate globala indartzea da
"Hizkuntza da gure nortasun ezaugarri nagusietako bat, eta diasporan bizirik mantentzea gure komunitate globala indartzea da. Atzerrian dauden euskaldunen belaunaldi berriek sustraiak ezagutzeaz gain, euskaraz ere bizi ahal izatea nahi dugu. Horregatik, hitzarmen hau inbertsioa da kultur kohesioan, nortasun partekatuan eta etorkizunean", gaineratu du.
Azkenik, adierazi duenez, "urrats honek Euskal Etxeek euskal hizkuntza eta nortasunaren transmisore gisa betetzen duten funtsezko papera aitortzea dakar".
Akordioak helburu bikoitza du: alde batetik, Argentinan arrakastaz garatutako eredua Ameriketako Estatu Batuetara ekarri eta egokitzea, euskal komunitateetako bertako pertsonek euskara ikasi eta beren Euskal Etxeetan eskolak emateko irakasle gisa trebatzen baitira.
Hizkuntza eskuratzeaz gain, berariazko prestakuntza didaktikoa eta material pedagogikoak jasotzen dituzte, eta, horri esker, Euskal Etxeek autonomoak izan daitezke irakaskuntza eskaintzan, Euskal Herritik joandako irakasleen mende egon beharrik gabe.
Bestalde, euskara eskolak emateko aukera izan dezaketen Euskal Etxeen kopurua handitu nahi da AEBn, aurrez aurre, online edo bi modu horiek uztartuz.
Zure interesekoa izan daiteke
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.
Nafarroako Parlamentuak urtebeteko luzamendua onartuta, itunpeko sareko 14 ikasgelak ez dira itxiko datorren ikasturtean
UPNk bultzatutako ekimenak erregionalisten, PPren eta Voxen aldeko botoak jaso ditu. EH Bildu eta Geroa Bai abstenitu egin dira, eta PSNk eta Contigo Zurekin alderdiek kontra bozkatu dute.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Euskal Gardentasun Legeak aurrera egin du, oposizioaren babesik gabe
Gardentasunaren Euskal Lege berriak informazio publikorako sarbidea, herritarren parte-hartzea eta lobbyen jarduera arautuko ditu. Araua EAJren eta PSEren babesarekin atera da aurrera, eta oposizio osoak baztertu du, uste baitute ez dela nahikoa eta anbiziorik gabekoa dela.
PSNk eta Geroa Baik behin betiko hautsi dituzte hezkuntza itunen inguruko negoziazioak
PSNren, Geroa Bairen eta EH Bilduren arteko elkarrizketak hautsi egin dira Nafarroako Parlamentuan, eta ez dago akordiorik itunpeko sareko 14 unitate ixtea saihesteko. Zuzenketen bozketak erabakiko du orain UPNk hezkuntza itunen inguruan bultzatutako lege proposamenak aurrera egiten duen ala ez.
Albiste izango dira: Itunpeko ikasgelen itxierari buruzko osoko bilkura, Xi Jinping eta Donald Trumpen arteko bilera eta Orioko balea harrapatu zutela 125 urte
Gaurkoan Orain-en albiste izango direnen laburpena, bi hitzetan.