Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Eusko Jaurlaritzak Diasporaren Lege proiektu bat igorriko dio datorren urtean Eusko Legebiltzarrari, 1994ko indarreko araudia garai berrietara egokitzeko eta, horrela, Euskaditik kanpo bizi den euskal gizataldeak dituen behar berriei erantzun ahal izateko. "Egungo barne eta kanpo testuingurura egokitutako lege bat behar dugu. XXI. mendeko euskal diaspora egituratzeko jauzia egiten lagunduko digun lege bat", esan du lehendakariak.
Pradalesek Boiseko Unibertsitateak antolatutako mintegi batean egin du iragarpena, diasporaren erronkei buruz hausnartzeko. Testuinguru horretan, lehendakariak uste du badela garaia lan egiteko moduak eta tresnak berritzeko, euskal gizataldeak kanpoan dituen errealitate berriei erantzutea helburu.
Ildo horretatik, helburua da euskal herritarrek atzerrian duten presentzia aprobetxatzea, eta "Euskadi Globala" estrategian eragile diplomatiko gisa funtsezko aktibo diren pertsona guztiak sartzea. Arau honen beste helburuetako bat da Euskadi berriro abangoardian kokatzea, kanpoan dagoen euskal kolektibitateari arreta emateko.
Horrela, pertsonak erdigunean jarri nahi dira, Euskadi mundu mailako ekosistema eta sare aurreratuenekin konektatzeko eta mundu osoan aukera berriak aurkitzen laguntzeko.
Lehendakariak indarrean dagoen Diasporaren Legea goraipatu du, nazioarteko euskal komunitatea trinkotzeko balio izan duelako, Euskal Etxeekin eta Federazioekin elkarlanean. Hala ere, Pradalesek azpimarratu duenez, "egungo diaspora aldatu egin da, askotarikoa da, eta egoera berriek urrats berriak eskatzen dituzte".
Testuinguru horretan, lehendakariak esan du "Euskadik jauzi berri bat" eman behar duela nazioartean, eta "Euskadi Globala" estrategia errealitate bihurtzeko lan egin behar duela. “Euskadin prest gaude nazioarteko testuinguruak eskaintzen dituen aukerak aprobetxatzeko. Europar gisa Europaren etorkizunean eta munduan zehar protagonista izateko. Gure gaitasunetatik abiatuta geure lekua hartzeko garaia da hau”, azpimarratu du lehendakatiak.
Zure interesekoa izan daiteke
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.