Ceutako eta Melillako mugetan segurtasuna indartuko dutela iragarri du Marlaskak, zabaldu diren deialdien aurrean
Barne ministroak Alderdi Popularrari "hiprokrita" izatea egotzi dio, Ceutako segurtasunaren inguruan esan dituenagatik. Haren hitzetan, Espainiako Gobernuan agintzen egon ziren garaian, popularrek Ceutako segurtasunean "ogerleko bat ere ez zuten inbertitu".
Fernando Grande-Marlaska Barne ministroa, gaur, Ceutan egin duten agerraldian. Argazkia: Europa Press
Datorren asteazkenerako Ceuta zeharkatzeko deialdiak zabaldu direla eta, Ceuta eta Melillako mugetan segurtasun neurriak indartu egingo ditu Espainiako Gobernuak, Guardia Zibileko GRS (Erreserbarako eta Segurtasunerako Taldeak) agente gehiago jarrita.
Hala iragarri du Fernando Grande-Marlaska Barne ministroak, gaur arratsaldean, Ceutan hedabideen aurrean egin duen agerraldian. Sare sozialetan zabaldu diren informazioen aurrean, kezkatuta daudela esan du eta dispositibo zabala jarri dutela martxan, egoera "kontrolpean" izateko.
Azaldu duenez, sareetan zabaldu diren deialdiak "sakon aztertzen eta jarraitzen" ari dira, "mehatxua" egiazkoa den edo ez jakiteko.
Bestalde, Alderdi Popularrari "hipokrita" izatea leporatu dio, Ceutako segurtasunari buruz azken egunotan esan dituenagatik. "Popularrak gobernuan egon ziren garaian, ogerleko bat ere ez zuten inbertitu Ceutako segurtasunean", adierazi du.
Are gehiago, erantsi du PP agintean egon zenean Ceutako kriminalitate tasa Espainiako batez bestekoa baino zortzi puntu altuagoa zela.
Oihu eta irain artean hartu dute Barne ministroa, Espainiako Gobernuak Ceutan duen Ordezkaritzaren egoitzan sartu denean.
Zure interesekoa izan daiteke
Rufianek Mazoni: "Uste dut kartzela besterik ez duzula merezi, inutila, giza hiltzaile arduragabea eta psikopata zara"
Zapateroren bi alabek ikertu gisa deklaratuko dute azaroaren 30ean, Plus Ultra auziagatik
Begoña Gomezen kontrako ahozko epaiketa hasteko agindu du Peinado epaileak, dirua bidegabe erabiltzea eta eraginen trafikoa egotzita
Adimen artifizialaren inguruan "herri akordio handi" bat proposatu du Sanchezek
Mazonek ez du Kongresuko diputatuekin eztabaidatu nahi izan, eta gogorarazi du ez duela erantzukin penalik GOIDIaren kudeaketan
Erasoa jasan zuen Ceutako diputatuak eskatu du ez dadila hauspotu "dagoeneko piztuta dagoen sua", eta iritzi dio PPk indarkeria sustatzen duela
Sanchezek eskatu du gorrotoaren aurrean axolagabe ez agertzeko, Negu Gorriak elkarteak jasandako erasoaren harira
Otegik "minimoen programa bat" planteatu dio EAJri, "bloke erreakzionarioari aurre egiteko"
