Zapateroren bi alabek ikertu gisa deklaratuko dute azaroaren 30ean, Plus Ultra auziagatik
Espainiako Gobernuak Plus Ultra hegazkin konpainiari emandako 53 milioi euroko laguntzak ikertzen ari da Calama epailea, eta Alba eta Laura Rodriguez, Espainiako gobernuburu izandakoaren bi alabak, inputatu zituen pasa den ekainean.
Zapatero, epailearen aurrean deklaratu aurretik. Artxiboko argazkia: Agentziak
Jose Luis Calama Plus Ultra auzia ikertzen ari den Auzitegi Nazionaleko epaileak Jose Luis Rodriguez Zapatero Espainiako gobernuburu ohiaren bi alabak —Alba eta Laura Rodriguez— ikertu gisa deklaratzera deitu ditu datorren azaroaren 30ean, astelehen honetan zabaldutako probidentzia baten bidez jakinarazi duenez.
Presidente ohiaren bi alabak banaka deitu ditu: 09:00etan eta 12:00etan. Espainiako Gobernuak Plus Ultra hegazkin konpainiari emandako 53 milioi euroko laguntzak ikertzen ari den epaileak biak inputatu zituen pasa den ekainean, ustelkeria zantzuak zeudelakoan.
Halaber, Calama epaileak, probidentzia berean, azaroaren 19an lekuko gisa deitu ditu Jose Angel Partearroyo, SEPIko kide ohia, eta Felix Martin, Plus Ultraren finantza zuzendari ohia.
Epaileak inputazio autoan zioenez, ikertutako sarearen parte diren What The Fav enpresaren administratzaile solidarioak omen dira.
Ikerketaren arabera, What The Fav enpresa aipaturiko sarearen finantza fluxuak banatzeko erabiltzen zuten eta Analisis Relevantek, Julio Martinez Zapateroren bazkide zenaren enpresak, 239. 755 euro ordaindu zizkion.
Zapaterok epailearen aurrean ikertu gisa egindako deklarazioan, What The Fav enpresak marketing lanen truke kobratu zuela azpimarratu zuen, eta ukatu du irregulartasunik egon zela.
Zure interesekoa izan daiteke
Begoña Gomezen kontrako ahozko epaiketa hasteko agindu du Peinado epaileak, dirua bidegabe erabiltzea eta eraginen trafikoa egotzita
Adimen artifizialaren inguruan "herri akordio handi" bat proposatu du Sanchezek
Mazonek ez du Kongresuko diputatuekin eztabaidatu nahi izan, eta gogorarazi du ez duela erantzukin penalik GOIDIaren kudeaketan
Erasoa jasan zuen Ceutako diputatuak eskatu du ez dadila hauspotu "dagoeneko piztuta dagoen sua", eta iritzi dio PPk indarkeria sustatzen duela
Sanchezek eskatu du gorrotoaren aurrean axolagabe ez agertzeko, Negu Gorriak elkarteak jasandako erasoaren harira
Otegik "minimoen programa bat" planteatu dio EAJri, "bloke erreakzionarioari aurre egiteko"
Anduezaren ustez, lehendakariak "oker" jardun zuen EHUren irekierara ez joanda, eta publikoa defendatzeko eskatu dio
Estebanek Otegiri: "Fatxak ginen duela hiru urte, eta orain balio komunak ditugu?"
