Euskadik lehen aldiz parte hartuko du Ecofinen fiskalitateari buruzko goi mailako taldean
Ubarretxena Eusko Jaurlaritzaren bozeramaileak azaldu duenez, urrats hau Ekonomia Itunaren Batzorde Mistoan lortutako akordioen emaitza da.
Maria Ubarretxena Eusko Jaurlaritzaren bozeramailea, gobernu bileraren osteko prentsaurrekoan. Argazkia: EFE
Euskadik asteazken honetan lehen aldiz parte hartuko du Ecofin —Europar Batasuneko Ekonomia eta Finantza Ministroak biltzen dituen Europako Kontseilua—EBko organo ekonomiko-finantzarioaren fiskalitateari buruzko goi mailako taldeak Parisen egingo duen bileran, Maria Ubarretxena Eusko Jaurlaritzaren bozeramaileak gobernu bileraren osteko prentsaurrekoan azaldu duenez.
Ubarretxenaren arabera, "urrats hau Ekonomia Itunaren Batzorde Mistoak egindako lanaren emaitza da".
Aipaturiko goi mailako taldearen bileran fiskalitateaz arituko dira. Hain zuzen ere, Eusko Jaurlaritzak dauka fiskalitateari buruzko eskumena, foru ogasunen bitartez.
Jaurlaritzaren izenean, Javier Garcia Ross Ogasun eta Finantza Saileko nazioarteko fiskalitaterako aholkulari eta Euskadiko Nazioarteko Fiskalitate Batzordeko koordinatzailea joango da bilerara, Ogasun Saileko iturriek baieztatu dutenez.
"Funtsezko aurrerapausoa da gure finantza autogobernuaren aitortzarako eta nazioarteKo foro fiskaletan Euskadiren interesak defendatu ahal izateko", nabarmendu du Ubarretxenak.
Zure interesekoa izan daiteke
Ia 8.000 lagunek jasotzen dute hilero alokairua ordaintzeko Gaztelagunek eskaintzen duen dirulaguntza
i+Medek eta Mondragon Korporazioak protesien estaldurak garatzeko enpresa bat sortu dute
Gasteizko Udalak 6,5 euroko tasa turistikoa aplikatuko die bost izarreko hotelei eta etxebizitza turistikoei
OCUk ohartarazi du urrian gasaren faktura % 54 garestituko dela; 310 euro, urtean
LAB: "Etxebizitzaren merkatua berrantolatu egin behar da, eta prezioen gaineko kontrol sakonagoa izan"
Hurtadok adierazi du turismoaren sektorean helburua ez dela neurririk gabe haztea
30.000 etxebizitza publiko eraikitzea "posible" dela adierazi du EH Bilduk
Bizkaiko Golkoa eta Frantzia lotuko dituen itsaspeko kablea jartzeko lanen % 70 daude eginda
