Cifuentes: 'Masterra benetakoa eta legezkoa da'
Cristina Cifuentes Madrilgo erkidegoko presidenteak azalpenak eman behar izan ditu gaur Juan Carlos Erregea Unibertsitatean eskuratu zuen masterraren harira sortu den polemikagatik.
Oposizioko taldeek eskatuta, Cifuentesek agerraldia egin du arratsalde honetan Madrilgo Asanbladan.
Cifuentesen esanetan, masterra "benetakoa eta legezkoa" da. "Nire curriculuma eta kalifikazioak benetakoak dira, ez ditu inork faltsutu", azpimarratu du.
Gauzak horrela, titulua legez kanpo eskuratu zutela zabaldu zuten kazetarien aurka kereila bana aurkeztuko duela jakinarazi du.
Gaur egindako ez-ohiko osoko bilkura "irregularra" dela eta “araudia urratzen” duela kritikatu du, "autonomia bateko presidente batek ez duelako bere eskumenari lotuta ez dauden gaiei buruzko azalpenik eman behar".
"Saio hau egiteko Parlamentuko araudia urratu dute", salatu du. Nolanahi ere, "azalpen guztiak emateko eta nire ohore politikoa, pertsonala eta profesionala defendatzeko etorri naiz hona", erantsi du.
Era berean, dimisioa emateko aukera "inoiz" aztertu ez duela adierazi du, "horretarako arrazoirik ez dagoelako".
Agerraldian, masterreko errektoreordetzak emandako "ziurtagiri ofizial" bat erakutsi du. Cifuentesek esan du matrikulagatik 1.586,39 euro ordaindu zituela eta master amaierako lanean 7,5 puntuko nota jarri ziotela.
Titulua 2014ko urriaren 23ean eman ziotela eta bidalketaren ordainketa (176,27 euro) urte horretako azaroaren 4ean egin zuela erantsi du.
Bi ikasgaitako kalifikazioetan aurkeztu ez zela jartzen duela eta, Cifuentesek esan du "transkripzioan egindako akatsa" izan zela eta titulua bidaltzeko tasak ordaintzerakoan jabetu zela horretaz.
Nolanahi ere, Cifuentesek aitortu du ez duela masterreko lana eskura, baina aurkituz gero, publikoki erakutsiko duela agindu du.
Ildo horretan, gaineratu du Unibertsitateari baimena eman diola bere lana publiko egiteko.
PSOEk zentsura-mozioa aurkeztuko du
Bestalde, Angel Gabilondo Madrilgo PSOEren bozeramaileak iragarri du Cristina Cifuentesen kontrako zentsura-mozioa aurkeztuko dutela, Madrilgo erkidegoko presidenteak "egia osoa" kontatu ez duela sinetsita daudelako.
Pedro Sanchez PSOEren idazkari nagusiak ekimena babestuko duela erantsi dute.
Podemosek dagoeneko jakinarazi du zentsura-mozioa babestuko dutela eta gauza bera egin dezala eskatu dio talde moreak Ciudadanosi.
Albiste gehiago politika
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Abalosek adierazi du zabaldu diren grabazioetan ez duela bere ahotsa ezagutzen, eta Garciak ez deklaratzeko eskubidea baliatu du
Joan den astean, Maria Chivitek zuzendutako Gobernuak akusazio partikular gisa aurkeztea eskatu zuen. Magistratuak, ordea, atzera bota du Nafarroako Gobernuak galdegindakoa, ez baitu zehaztu zer egitatek ekarriko luketen hura kaltedun izatea.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.