Urkulluk idatziz eskatu dizkio transferitu gabeko eskumenak Rajoyri
Iñigo Urkullu lehendakariak transferitu gabeko eskumenen zerrenda idatziz emateko eskatu zion joan den ostiralean Mariano Rajoy Espainiako Gobernuko presidenteari; tartean, Gizarte Segurantzakoa eta espetxeetakoa.
Josu Erkorekak Gobernu Kontseiluaren osteko prentsaurrekoan jakitera eman duenez, Eusko Legebiltzarrak joan den astean eskumenen harira adostutako akordioa bidali zion Urkulluk Rajoyri. Gernikakoa Autonomia Estatutua osatzeko egutegia sei hilabeteko epean aurkezteko eskatu dio bertan Jaurlaritzak Espainiako Gobernuari.
Soraya Saenz de Santamaria Espainiako presidenteordeak astelehenean Josu Erkorekari telefonoz jakinarazi zionez, Basurtuko Ospitalea-Ariz eta Irauregi-Lutxana-Barakaldo trenbide lineak transferituko dizkiote Euskadiri.
Bi linea horiek osorik igarotzen dira Euskal Autonomia Erkidegotik, eta Konstituzio Auzitegiak Eusko Jaurlaritzaren eskumenekoak direla ebatzi zuen 2016an. Hala ere, Eusko Jaurlaritzak trenbideen eta herri-lanen inguruko eskumena betetzeko aldarrikatzen dituen 11 tarteetako 2 baino ez dira.
Eusko Jaurlaritzarentzat "ulertezina" da bi eskumen horiek eskualdatzeko izaten ari den atzerapena, "urte hasierarako aurreikusita baitzeuden", esan du.
Horrela, izapide egokiak hasteko eskatu dio Jaurlaritzak Espainiako Gobernuari, gehienez bi hileko epean Eskualdatzeen Batzorde Mistoa deitzeko, hartutako konpromisoaren arabera egin beharreko eskualdatzeak egiten bukatzeko, Espainiako Gobernuak, arrazoirik gabe blokeatuta baititu.
Zure interesekoa izan daiteke
Eusko Jaurlaritzak adierazi du erantzukizunez jokatu duela transferitu gabe dauden eskumenen aurrean
"Pentsatzen dugu hobe dela transferentzia horiek erabaki genuen bezala eta nahi dugun moduan gauzatu arte itxarotea", esan du Ibone Bengoetxea lehen lehendakariorde eta Kultura eta Hizkuntza Politikako sailburuak.
EAJrentzat "ulertezina" da Sanchezek ez betetzea Estatutua osatzeko akordioa
Estebanek esan zuen sinatutakoa ez betetzea "larria eta inbestidura akordioa urratzea" izango litzatekeela.
Transferentzien asteleheneko bilera urtarrilaren 16ra atzeratu dute, ez daudelako “beharrezko baldintzak” bermeekin egiteko
Eusko Jaurlaritzak eta Espainiako Gobernuak egin behar zuten bilera egiteko beharrezko baldintzak ez daudenez, bi aldeek atzeratzea adostu dute. Autogobernu Saileko iturriek EITBri jakinarazi diotenez, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.