155a luzatzeko eskatu dio Riverak Rajoyri, baina gobernuburuak ez du onartu
Saiatu den arren, Albert Rivera Ciudadanoseko buruzagiak ez du Mariano Rajoy Espainiako gobernuburua konbentzitu. Katalunian Konstituzioaren 155. artikulua luzatzearen alde azaldu da alderdi laranjako presidentea Rajoyrekin Moncloa jauregian egin duen bileran. Gobernuburua, ordea, ez omen da iritzi berekoa.
Riveraren aburuz, Espainiako Gobernua ezin da Kataluniatik "korrika" atera legea beteko dela "ziurtatu barik".
Ordubetez egon dira bilduta bi buruzagiak Moncloa jauregian. Bileran eskakizun nagusi bat egin dio Ciudadanoseko buruak Rajoyri: 155a luzatzea. Zehatz jarrita, Generalitateko finantzak, Mossoak eta TV3a kontrolatzea galdegin dio.
Batzarraren ondotik eskainitako prentsaurrekoan azaldu duenez, Generalitatearen kontuak "modu eraginkorrean kontrolatu" behar dira, Likideziaren Funts Autonomikoarekin (FLA, gaztelerazko sigletan) "nahikoa ez" delako. Horrez gain, Esquadra Mossoak "Konstituzioa eta Zuzenbide Estatua beteko duen" polizia buruzagitza baten menpe daudela ziurtatzeko indar polizial horren kontrola ere galdegin du. Azkenik, hedabide publikoen, TV3rena, "kontrol eta gainbegiratzea" aldarrikatu du.
"155a luzatzea eskatzen dugu. Berehala egin daitekeela uste dugu Espainiako Gobernuaren proposamenarekin eta Senatuaren adierazpen batekin", esan du Riverak. Horren hitzetan, "onak Legea betetzen dutenak dira, eta txarrak entzungor egiten diotenak. Maltzurrek jakin behar dute ez dela inpunitaterik egongo".
Ciudadanoseko buruzagiak "arrazista" deitu dio Torrari, espainiarrak "gorroto" dituelako.
Azpimarratu duenez, "ez da luzamendutan ibiltzeko edo beste leku batera begiratzeko garaia. Ekiteko unea da". Hori horrela, Rajoyk 155a luzatzea erabakitzen badu, "Ciudadanosen erabateko babesa" izango duela gogorarazi du.
Aurreratu dutenez, Parlamentura joaten ez diren diputatuei soldata kentzeko eskaera egingo du.
Zure interesekoa izan daiteke
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.