Kataluniako Gobernu berria osatuta, 155. artikulua bertan behera geratu da
Kataluniako Gobernu berria osatuko duten 13 kontseilariek kargua hartu dute larunbat goiz honetan Generalitateko jauregian. Behin Gobernu berria osatuta, Konstituzioaren 155. artikulua bertan behera geratuko da Katalunian.
11:30ean hasi da ekitaldia, eta espetxean eta erbestean dauden Josep Rull, Lluis Puig, Jordi Turull eta Toni Comin kontseilari ohien senideek ekitaldian parte hartu dute. Txaloaldi luze eta "askatasuna" oihuen artean sartu dira Generalitateko aretora eta, behin bertan, kontseilari ohiek idatzitako gutunak irakurri dituzte.
Kontseilari berri izateari uko egiten diotela onartu dute eskutitzetan (simbolikoki, 155. artikuluagatik ezin zutelako kargua hartu), "Estatuko botereek abiatutako blokeo-egoeragatik", Meritxel Lluis Rulleko emazteak irakurri duenez. Gainera, Quim Torra presidenteak eskainitako konfiantza eskertu dute.
Comin, Turull, Puig eta Rull kontseilari izendatu nahi zituen Torrak, baina Espainiako Gobernuak betoa jarri zien izendapen horiei.
Quim Torra eta Elsa Artadi kontseilari berria. Argazkia: EFE
Kargu-hartzea
Gutun horien irakurketaren ostean, Quim Torraren Gobernuaren 13 kontseilariek kargua hartu dute, eta "leialtasuna" hitzeman diote horri. Guztiek formula bera erabili dute. "Legeari so eginda eta Generalitateko presidenteari leialtasuna izanda, karguak dituen eginbeharrak beteteko dituzula agintzen duzu?", galdetu die Torrak, "bai, agintzen dut", erantzun dute haiek.
Kontseilari berriak honako hauek dira: Pere Aragones (presidenteordea eta Ekonomia kontseilaria); Elsa Artadi (Presidentzetza eta bozeramailea); Angels Chacon (Enpresa eta Ezagutza); Ernest Maragall (Atzerri Gaietarako kontseilaria); Miquel Buch (Barne kontseilaria); Josep Bargallo (Irakaskuntza); Alba Verges (Osasuna); Damia Calvet (Lurraldea eta Jasangarritasuna); Laura Borras (Kultura); Ester Capella (Justizia); Chakir El Homrani (Lana, Giza Gaiak, Familia); Jordi Puignero (Politika Digitalak eta Administrazio Publikoa) eta Teresa Jorda (Nekazaritza, Abelzaintza, Arrantza eta Elikadura).
Kataluniako presidentea, eta Pere Aragones, Ekonomia kontseilari berria. Argazkia: EFE
Eztabaidarako deia Sanchezi
Kontseilarien kargu-hartzearen ostean, Quim Torra Generalitateko presidenteak hitz egin du, eta aldebiko eta mugarik gabeko eztabaida hasteko eskatu dio Pedro Sanchez Espainiako Gobernuko presidente berriari. "Pedro Sanchez presidentea, hitz egin dezagun, arriskuak gure gain har ditzagun. Negoziatu dezagun, gure artean", adierazi du Torrak bere hitzaldian.
Dena dela, Generalitateko presidenteak ohartarazi duenez, Kataluniako Gobernuaren helburua izango da "urriaren 1eko agindua betetzea", hau da, Katalunia Errepublika Estatu independente bihurtzea.
"Bidea ez erraza izango, hori oztopatu nahi duten interes oso boteretsuak baitaude", esan du Torrak. Horren harira, kontseilarien "ausardia eta konpromisoa" azpimarratu ditu. Bestalde, Gobernu berriaren lehenengo urratsak iragarri ditu: Auzitegi Konstituzionalak bertan behera utzitako lege sozialak berreskuratu nahi dituztela esan du, eta 155. artikuluaren ondorioei buelta emateko plan bat. "Gaur, 155. artikulua amaitzen da, baina poz handirik gabe, egon nahi genukeen lekutik oso urrun gaudelako", ondorioztatu du.
"Guztientzako Gobernua izango gara. Agindu errepublikanoa daukagu, eta zazpi milioi eta erdiko katalanei zerbitzua eta ahalegina zor diegu", amaitu du Torrak.
Zure interesekoa izan daiteke
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.