Campsen Alderdi Popularrak Gurteli egindako esleipenak ikertzeko agindu dute
PPren finantziazio irregularraren harira, Valentziako Generalitateak "Orange Market" Gurtel auziko enpresetako bati egindako esleipenen ikerketa berriro zabaltzea agindu du Auzitegi Nazionalak, esleipen horiek nork agindu zituen argitzeko, Francisco Correak, Ricardo Costak eta Alvaro Perez 'el bigotes'ek Francisco Camps Valentziako presidente ohiari egotzi baitzizkioten dohaintza horiek agindu izana.
Ustelkeriari aurre egiteko Fiskaltzaren eskaria onartu eta gaur (osteguna) hartu du erabakia Zigor Arloko Bigarren Sekzioak. Ondorioz, Jose de la Mata Gurtel auziko epaileari itzuliko diote Valentziako Generalitateak Gurteli egindako kontratazioen inguruko atala, epaiketarako dataren zain baitzegoen.
Dolors Ibars Valentziako Generalitatearen Sustapen Instituzionalerako zuzendari orokorrak Correa taldeari kontratuak esleitzeko ustez jasotako aginduak ikertzeko eskatu zuen Fiskaltzak, horietan prebarikazio delitua izan litekeelako.
Fiskaltzaren txostenaren arabera, agindu horiek Valentziako Gobernuko Presidentetzak ematen zituen, eta garai hartan Francisco Camps zen presidente. 2004 eta 2009 artean egindako esleipenak Campsen aginduz egin zirela frogatzen bada, prebarikazio delituengatik epaituko dute.
PPren finantziazio irregularraren epaiketan Ricardo Costak jakitera eman zuenez, hauteskunde kanpainarako enpresariek ordaindutako osagarriak (su artifizialak eta musika talde bat) kontratatu zituen Campsek, eta 120.000 euro ordaindu zituzten guztira horiengatik. Ricardo Costari lau urteko kartzela-zigorra egotzi zioten delitu horrengatik.
Zure interesekoa izan daiteke
Sanchezek Estatutuarekin duen borondatea "itxaropentsua" dela uste du Prdalesek, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean ", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri izana defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionaren presidentearen kontra egin du, Belateko ikerketa batzordean ez baita agertu
Jose Antonio Entrecanales Accionaren presidentea bi aldiz deitu dute ikerketa batzordera, baina bi-bietan ordezkariak bidali ditu. Irati Jimenez ikerketa batzordearen presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du batzordeak.
Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten hamalau lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantza beteriko" batean.