Legebiltzarrak atzera bota du pobreziaren eta bazterkeriaren aurkako herri-ekimena
Diru-sarrerak bermatzeko errenta (DSBE) hobetze aldera aurkeztutako legegintzako herri-ekimenari uko egin dio Eusko Legebiltzarrak, 51.000 sinaduraren babesa zeukan arren.
EAJ, PSE-EE eta PP alderdien kontrako botoak jaso ditu, hain zuzen, "pobrezia eta bazterkeria gainditzeko, kalitatezko babes sozial publiko baten aldeko sistema" proposatzen zuen lege-proposamenak.
EH Bilduk eta Elkarrekin Podemosek, aldiz, herri-ekimena babestu dute. Besteak beste, DSBEa eskuratzeko adina 23 urtetik 18ra jaistea planteatzen zuen ekinbideak, eta erroldatzea urtebetekoa izatea ere. Halaber, DSBEaren zenbatekoa igotzea proposatzen zuten.
Esan bezala, Legebiltzarraren urteko lehenengo osoko bilkurara iritsi da herri-ekimena, Eusko Jaurlaritzak begi onez ikusi ez badu ere. Lege-proposamena atzera botatzeko orduan arrazoitu dutenez, EAJk eta PSE-EEk dagoeneko aurkeztu dute diru-sarrerak bermatzeko errentaren erreformarako proposamena.
Nolanahi dela, lege-proposamen horri buruzko eztabaida etenda dago gaur-gaurkoz, oposizioko alderdien babesik lortu ez duelako.
Legebiltzarrean eztabaidatu den bigarren herri-ekinbidea izan da gaurkoa. 10.000 sinadura lortuz gero, mota horretako proposamenak eztabaidatzeko aukera ematen du araudi berriak.
Janire Landaluze ELAko ordezkaria izan da legebiltzarkideen aurrean ekimena defendatu duena. Laguntza sozialen sistema aldatzeko beharra nabarmendu du Landaluzek, beharrizanak handitu direla eta sistemak "murrizketak" izan dituela argudiatuta.
Landaluzeren arabera, eztabaida irekitzeari uko egitea ez da gizarteak eskatzen duena, eta Legebiltzarraren eta herritarren arteko tartea areagotzen du horrek.
Albiste gehiago politika
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.
Andueza: "Euskal sozialistok badakigu egoera zailenetan ondo lan egiten"
PSE-EEren idazkari nagusiak esan du lan egiten jarraitzeko asmoz joan direla PSOEren Batzorde Federalera, "ibilide orri eta norabide berria" ezartzeko prozesuan parte hartzera.
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.