Esteban: 'PP, Cs eta Voxen gobernu bat Euskadirentzako arazo oso larria litzateke'
PPk, Ciudadanosek eta Voxek osatutako gobernu bat Euskadirentzako "arazo oso larria" litzatekeela adierazi du Aitor Esteban Diputatuen Kongresuko EAJren bozeramaileak ostiral honetan.
"Euskadirentzat arazo oso larria litzateke, Alderdi Popularra, Ciudadanos eta Vox nola dauden ikusita; oso egoera kezkagarria litzateke", esan du. "Azpiegitura eta politiketan euskal interesen defentsa" bermatzeko aukera onena EAJ dela azpimarratu du Estebanek, baita "euskal nazio gisa herri hau defendatzeko eta hiruko posible horren aurrean harresia jartzeko ere".
Hauteskunde "oso irekiak" direla ohartarazi du Estebanek, "dadoak botatzen diren bakoitzean" eskuinak irabaztea gerta daitekeelako.
EAJ Espainiako politikaren "porrotaren" erantzule ez dela uste du bozeramaile jeltzaleak, gobernu bat izateko "eskura zuen guztia" egin duelako. Zentzu horretan, PSOErekin eta Unidas Podemosekin "inolako akordiorik izan gabe" sei botoak eskaini dituztela gogorarazi du Estebanek.
Bozeramaile jeltzalearen ahotan, botoa ez ematea erabakitzen duenak, "hain zuzen ere, zerbait aurpegiratu nahi dion jendea saritzen du". "Jokabide hori salatu eta Euskadi desberdina dela esan nahi baduzu EAJri boza ematea da aukerarik onena", gaineratu du segur aski Bizkaiko zerrendaburua izango denak.
Datozen 50 egunetan kanpaina egitea egokituko zaiola ziurtatu Estebanek, "baina PSOEren jarduneko Gobernuari etengabe deituko diot, euskal gizartearekin eta EAJrekin hartutako konpromisoak eta eginbeharrak bete behar dituela esateko; posible bada azaroak 10 baino lehen konpromisoak betetzeko ministroei deituko diet".
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.