Borrasek Aragones proposatu du inbestidurarako, baina oraindik ez du nahikoa babes
Laura Borras Kataluniako Parlamentuko presidenteak Pere Aragones ERCren koordinatzaile nagusia proposatu du inbestidurarako hautagai gisa, nahiz eta oraindik ez duen ostiralean presidente izendatzeko nahikoa babes pilatu.
Parlamentuko buruzagiekin bilera sorta egin ostean, Borrasek adierazpen instituzional labur bat egin du, ostiralerako hautagaia Aragones dela jakinarazteko, bera delako "inbestitua izateko aukera gehien duena".
Adierazpen instituzionalaren ostean, hautagaiaren proposamena sinatu eta inbestidura deitu du ostiralerako, hilaren 26rako, 10:00etan.
"Parlamentuko presidente gisa, ganbera honetako talde parlamentario guztietako ordezkariekin bilera sorta egin ostean, egiaztatu dut Pere Aragones diputatua dela Kataluniako Generalitateko presidente inbestitzeko aukera gehien duen hautagaia", azaldu du.
Hala ere, gaur-gaurkoz, Aragonesek ez ditu lotu ostiralean izendatua izateko behar dituen boto guztiak, JxCat koalizioak uko egin baitio ERCk eta CUPek izenpetutako aurreakordioan parte hartzeari, eta ohartarazi du negoziazioak "egunak edo asteak" luza daitezkeela.
CUPen 9 botoak eta ERCren 33ak behar-beharrezkoak dira, baina ez dira nahikoa Aragonesen inbestidurarako.
JxCateko kideen artean ezinegona omen dago ERCk lehenengo aurreakordioa CUPekin itxi duelako, JxCat koalizioak askoz ere indar handiagoa izan arren.
Gemma Geis JxCatek Parlamentuan duen bozeramaileak esan duenez, "litekeena" da akordioa garaiz ez iristea Aragones ostiralean izendatzeko.
Aragonesek gehiengo osoa (68 boto) behar du lehenengo bozketa irabazteko, baina bigarren bozketan (ziurrenik asteartean) nahikoa izango du gehiengo sinplearekin.
Aragonesena ez zen Borrasek mahai gainean zuen izen bakarra. Salvador Illa sozialista izan zen bozkatuena eta ERCk beste eserleku (33) lortu zituen otsailaren 14ko hauteskundeetan, baina Borrasek baztertu egin du horren hautagaitza, ERCren hautagaiak "aukera gehiago" dituelakoan.
Zure interesekoa izan daiteke
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.