Aragonesek dio maiatzaren 1a izango dela akordio bat adosteko azken eguna
Pere Aragones ERCren Generalitaterako presidentegaiak ohartarazi duenez, maiatzaren 1ean Juntsekin gobernagarritasun-akordiorik lortu ezean, bi alderdiek "beste bide batzuk aztertu" beharko dituzte Katalunian hauteskundeak errepikatu ez daitezen.
Igande honetan Ara egunkarian egindako elkarrizketa batean, Aragonesek azaldu du ERCk Carles Puigdemonten babesa duen gutxiengoan dagoen Gobernu bat ez dela errepublikanoek proposatutako bidea: "Ez gara gu aukera hori mahai gainean jarri dugunak".
Joan den martxoaren 30ean, Pere Aragones ERCko presidentegaiak ez zuen babes nahikorik lortu presidente izateko. Orain, denbora agortzen ari da eta Kataluniak ez du Gobernu berririk, ezta presidente berririk ere.
Juntsek eta ERCk hilabeteko epea dute (maiatzaren 26ra arte) negoziaketan sortutako korapiloa askatu eta uztailaren erdialdera hauteskundeak deitzea saihesteko. Hala ere, ERCko presidentegaiak maiatzaren 1a jarri du akordio bat lortzeko azken egun gisa.
Jordi Sanchez Juntseko idazkari nagusiaren eta Elsa Artadi presidenteordearen jarreren inguruan galdetuta (ez dute baztertzen Kataluniako Gobernu berrian ez sartzea eta oposizioan geratzea), Aragonesek berretsi egin du Juntsekin gobernagarritasun-akordio bat lortzeko asmoa duela, "ahalik eta azkarren, apirilean ahal izatera".
Hala ere, azpimarratu du errepublikanoek akordio sendoa dutela CUPekin, eta ez duela uste "oztopo gaindiezinik" dagoenik datozen egunetan Kataluniako Gobernua osatzeko, adierazi du.
Consell per la Rep (CxRep) alderdiaren paperari dagokionez, independentziarantz aurrera egiteko estrategia Kataluniako Gobernuak bideratu behar duela esan du, eta erakundeak "Parlamentuko talde independentistak markatutako" estrategia horretan lagundu behar duela gogoratu du.
ERCren "ultimatuma" kritikatu du Juntsek
Elsa Artadi Juntseko presidenteordearen ustez, ulertezina da ERCk maiatzaren 1a baino lehen akordioa lortzeko "ultimatumak" jartzea; izan ere, orain arteko bileretan ez zaie halakorik jakinarazi.
"ERCk batzuetan egiten duen diskurtso bikoitzak harritu egiten gaitu eta ulertezina ikusten dugu. Ultimatuma jarri da, baina pribatuan ez zaigu horrelakorik helarazi, gaia ez da atera ere egin", azpimarratu du prentsaurreko telematikoan.
Artadiren ustez, arraroa da ERCrekin lan egiten eta bilerak egiten aritzea Parlamentuan, eta aldi berean epemugak jartzea "arlo ekonomikoari buruzko lantaldea oraindik deitu ez denean", esaterako.
Negoziazioetan diskrezioa aldarrikatzeaz gain, Artadik azpimarratu du Juntsen agintaldia ERCrekin akordioa aztertzen jarraitzea dela, eta ERCri galdetu dio maiatzaren 1a baino lehen akordioa ixten ez badute, ea zer gertatuko den.
Zure interesekoa izan daiteke
Pradales lehendakariak "gizartea aktibatzeko" deia egin du, euskal selekzioen ofizialtasunean beste urrats bat emateko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren "partida ez dela bulegoetan bakarrik jokatzen”, eta motibazioaren eta aktibazio sozialaren beharra aldarrikatu du.
Delituen gorakada eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz hizketan aritu dira dinamika partehartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimentuak kontutan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuk nahita nahasten dituzte segurtasuna eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Esku-k
Plataformak gogoratu du gaur 92 urte bete direla autonomia estatutuari buruzko erreferendumetik, eta zortzi Getxon herri-galdeketa egin zenetik.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa arazo oso larria da"
Consuelo Ordoñez Coviteren presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.
Kamerek Javier Arenas Senatuko bere eserlekuan zigarro elektronikoa erretzen harrapatu dute, baina berak ukatu egin du
Senatuko kontrol saioan gertatu da, Enrique Ruiz Escudero PPren senatariak Monica Garcia ministroari galdera bat egin dionean. Monica Garcia erantzuten ari zela, Javier Arenasek zigarro elektronikoa atera du poltsikotik, eta "erre" egin du. Ondoan zuen alderdikideak ohartarazi du kameraren planoan agertzen zela.